یاریگا –
فلۆرێنتینۆ پێرێز، سەرۆکی ریال مەدرید هەڕەشە لە ناوبژیوانانی لالیگا دەکات.
رافایێل لۆزان، سەرۆکی نوێی فیدراسیۆنی تۆپی پێی ئیسپانیا لە چاوپێکەوتنێکی نوێی لەگەڵ ئێل چیرینگویتۆ ئاشکرایدەکات، فلۆرێنتینۆ پێرێزی سەرۆکی ریال مەدرید ئارامی نەماوە و بەردەوام گلەیی لە ئاستی ناوبژیوانانی لالیگا دەکات.
فلۆرێنتینۆ پێرێز پێی گوتم ریال مەدرید بەدەست ناوبژیوانانی لالیگا ئازاری زۆری چەشتووە، نازناوی زۆری بەهۆی ناوبژیوانان لەدەستداوە و پێویستە سنورێک بۆ دۆخەکە دابنرێت. پێداگری لەسەر بابەتەکە و لەوبڕوایەدایە ستەمیان لێدەکرێت، تەنانەت بیری لەوە کردووەتەوە لە ئینگڵتەڕا ناوبژیوان بۆ بەڕێوەبردنی یارییەکانی لالیگا بهێنێت. پێمگوت من تازە دەستبەکاربووم هەوڵی باشترکردنی هەموو شتێک دەدەین و باوەڕم بە ناوبژیوانانی خۆمان هەیە.
پێرێز وازی لە دۆسیەی نێگرێرا نەهێناوە
پێرێز جار جار دۆسیەکەی نێگرێرا دەهێنێتە ئاراوە و پێمدەڵێت پێویستە ئەو بابەتە چارەسەر بکەیت.
😱 "FLORENTINO me dijo que traería ÁRBITROS INGLESES a LALIGA". 😱
💣 LOUZÁN, presidente de la RFEF, a @jpedrerol.
¡Entrevista completa en 'El Cafelito' el jueves a las 15:30h en Youtube, Facebook, Spotify e iVoox! pic.twitter.com/lUyr5HobDv
— El Chiringuito TV (@elchiringuitotv) January 29, 2025
ریال مەدرید لە رێگەی کەناڵی فەرمی خۆی بەردەوام هێرشدەکاتە سەر ناوبژیوانانی لالیگا، تۆمەتباریان دەکات بەوەی ستەم لە یانەکە دەکەن و بڕیارەکانیان دادپەروەرانە نییە.
هەو بەو هۆیە پێرێز پەیوەندییەکی خراپی لەگەڵ خاڤیێر تێباسی سەرۆکی لالیگا هەیە و تێباس لەوبڕوایەدایە پێویستە سنورێک بۆ کەناڵی ریال مەدرید دابنرێت.
