پریڤیوی یاریی برێست V ریال مەدرید؛ دوا هەواڵ و پێكهاتەی پێشبینیكراو

یاریگا –

ئەمڕۆ لە كۆتا یاریی قۆناخی خول – چامپیۆنزلیگ ریال مەدرید لە یارییەكی چارەنوسسازدا رووبەرووی برێست دەبێتەوە.

وا بڕیارە ئەمڕۆ چوارشەممە كاتژمێر 23:00 بە كاتی كوردستان برێست لە یاریگای خۆیدا میوانداری ریال مەدرید بكات، لە میانی یارییەكانی گەڕی هەشتەمی چامپیۆنزلیگ.

پڕۆفایلی یاری

ریال مەدریدی خاوەن زۆرترین نازناوی چامپیۆنزلیگ لەم وەرزەدا ئاستی جێگیر نییە.

بە بردنەوەیان لە سالزبورگ  بلیتی قۆناخی پلەی ئۆفی پاڵەوانییەتیەكەیان وەرگرت.

لەم وەرزەی چامپیۆنزلیگ بە شێوازە نوێیەكەی ریال مەدرید لە كۆی حەوت یاریی چوار یاریی بردووەتەوە و سێ یارییش دۆڕاوە و بە كۆكردنەوەی 12 خاڵ لە ریزبەندی شازدەی چامپیۆنزلیگ دێت.

ریال مەدرید چانسی گەیشتنی راستەوخۆی بە قۆناخی شازدەی چامپیۆنزلیگ زۆر لاوازە و بە جۆرێک دەبێت چاوەڕێی لەدەستدانی خاڵ لە 9 یانە بكات، تاوەكو بتوانێت بلیتی راستەوخۆی قۆناخی شازدە بەدەستبهێنێت.

لە بەرامبەردا برێست لە كۆی حەوت یاری چوار یاریی بردووەتەوە و یارییەك یەكسان بووە و دوو یاریش دۆڕاوە، بە كۆكردنەوەی 13 خاڵ لە ریزبەندی سیازدەی چامپیۆنزلیگ دێت.

بەهەمان شێوە برێست گەیشتنی بە قۆناخی پلەی ئۆف مسۆگەر كردووە و بۆ گەیشتنی راستەوخۆ بە قۆناخی شازدە دەبێت چاوەڕێی لەدەستدانی خاڵ لە شەش یانە بكات.

هەواڵی پێكانی یاریزانەكان

برێست بە بێ مارتینێز، ئامافی، برادلی لۆكۆ و كارامۆكۆ ناتوانن بەرامبەر ریال مەدرید بەشداری بكەن.

لە بەرامبەردا ریال مەدرید بەهۆی راگیرانەوە لە تواناكانی ڤینیسیۆس جونیۆر بێبەش دەبێت و بەهۆی پێكانەوە لە تواناكانی دانی كارڤاخال، ئیدێر میلیتاو و ئێدواردۆ كاماڤینگا بێبەش دەبێت.

پێکهاتەی پێشبینیکراوی برێست

بیزۆت

لالا، چاردۆنیت، كۆلیبالی، زۆگبی

كامارا، مێلۆ، ماگنێتی

كاستیۆ، ئاژۆركێ، بالدێ

پێکهاتەی پێشبینیکراوی ریال مەدرید

كۆرتوا

ڤازكوێز، رودیگەر، ئالابا، مێندی

ڤاڵڤێردی ، مۆدریچ

براهیم، بێڵینگهام، رۆدریگۆ

ئێمباپێ