سعوودیە ئۆفەرێكی گرانبەها پێشكەشی ڤینیسیۆس جونیۆر دەكات
یانەکانی سعوودیە کار لەسەر گواستنەوەی ڤینیسیۆس دەکەن
یاریگا –
یانەکانی سعوودیە تاوەکو ئێستا دەستبەرداری خەونی گواستنەوەی ڤینیسیۆس جونیۆر، ئەستێرەی بەڕازیلی یانەی ریال مەدریدی ئیسپانی نەبوون.
ڤینیسیۆس جونیۆر لە هاوینی ساڵی 2018 لە ریزەكانی فلاینگۆوە بە بەهای 45 ملیۆن یۆرۆ پەیوەندی بە ریزەكانی ریال مەدریدەوە كرد.
گرێبەستەكەی ڤینی تەمەن 24 ساڵان لەگەڵ ریال مەدرید لە هاوینی ساڵی 2027 بەسەردەچێت و مەرجی هەڵوەشاندنەوەی گرێبەستەكەی یەک ملیار یۆرۆیە.
📰 NOTICIA AS
💥 Arabia prepara una ofensiva para el verano de alrededor 300 millones para el Madrid y de 200 por temporada para el jugador
👀 El club se remitirá a su cláusula… salvo que el brasileño pidiese salir
🔗 Más información: https://t.co/vix1MKwZZR pic.twitter.com/YjY3Fim0N0
— Diario AS (@diarioas) January 27, 2025
بە گوێرەی زانیارییەكانی رۆژنامەی ئاس، سعوودیە ئامادەكاری بۆ پێشكەشكردنی ئۆفەرێكی مێژووی بۆ گواستنەوەی ڤینیسیۆس جونیۆر دەكات.
ئاماژە بەوەشكراوە، سعوودیە ئامادەیە 300 ملیۆن یۆرۆ بۆ گواستنەوەی ڤینیسیۆس جونیۆر پێشكەشی ریال مەدرید بكات.
ئەوەشخراوەتە روو، سعوودییەكان مووچەی ساڵانەی 200 ملیۆن یۆرۆیان بۆ ئەستێرە بەڕازیلیەكە ئامادە كردووە.
رۆژنامە ئیسپانییەكە ئاماژەی بەوەشكردووە، ریال مەدرید رەتیدەكاتەوە دانوستان بكات، تەنیا بەمەرجێک ئەگەر یاریزانەكە خۆی داوای رۆیشتن بكات.
