ئۆفەرە گەورەکەی نۆتینگهام رەتدەکرێتەوە

یاریگا –

برێنتفۆرد ئۆفەرێکی فەرمی نۆتینگهام فۆڕێست بۆ گواستنەوەی ویسا رەتدەکاتەوە.

تۆڕی هەواڵی سکای سپۆرتس بڵاویکردووەتەوە، بحۆ گواستنەوەی یۆوان ویسا، نۆتینگهام فۆرێست ئۆفەرێکی فەرمی بە بەهای 25 ملیۆن پاوەند پێشکەش بە برێنتفۆرد کردووە بەڵام ئۆفەرەکەی رەتکردوەتەوە.

بەگوێرەی زانیارییەکانی تۆڕە بەریتانییەکە برێنتفۆرد نایەوێت لەم زستانە هیچ یاریزانێکی گرنگی لەدەستبدات. دەیەوێت لانیکەم تاوەکو هاوینی داهاتوو پارێزگاری لە تواناکانی ئەستێرەکانی بکات.

نۆتینگهام بە کۆکردنەوەی 44 خاڵ و بە جیاوازی شەش خاڵ لەدوای لیڤەرپوولی پێشەنگ پلەی سێیەمی پرێمەرلیگی گرتووە. یانەکە دەیەوێت بۆ کێبڕکێی پاڵەوانێتییەکانی ئەم وەرزە ریزەکانی بەهێزتر بکات.

هەر بەگوێرەی زانیارییەکانی سکای، نۆتینگهام ئۆفەریک بە بەهای 65 ملیۆن یۆرۆ بۆ گواستنەوەی ماتۆس کونهای هێرشبەری وۆڵڤز پێشکەش دەکات.