دەنگۆکانی مێرکاتۆ؛ نۆتینگهام فۆڕێست چاوی لە گواستنەوەی گەورەکانە

یاریگا –

بارسێلۆنا جارێکی دیکە داوای ئەستێرەیەکی ئینگلیزی دەکات، ئارسیناڵ هەوڵەکانی بۆ گواستنەوەی دوو هێرشبەری ئاست بەرز دەستپێکرد…

نوێنەرانی مارکوس راشفۆرد لەگەڵ بەرپرسانی باڵای بارسێلۆنا کۆبوونەوە – سکای سپۆرتس

ئارسیناڵ بەفەرمی پرسیاری دۆخی بێنیامین شێشکۆ، هێرشبەری سلۆڤینی لە لایپزیگ کردووە – تۆک سپۆرت

ئەیسی میلان لەگەڵ کایڵ وۆڵکەر، بەرگریکاری مانچێستەر سیتی رێککەوت، یاریزانەکە تاوەکو کۆتایی وەرز بە خواستن یاریی بۆ میلان دەکات و دواتر بەبڕی پێنج ملیۆن یۆرۆ، گرێبەستەکە دەبێتە هەمیشەیی – سکای سپۆرت ئیتاڵیا

ئالێخاندرۆ گارناچۆ، ئەستێرەی مانچێستەر یونایتد، زیاتر دەیەوێت پەیوەندی چێڵسی بکات نەک ناپۆلی – TyC

ناپۆلی چاوی بڕیوەتە کەریم ئادیێمی، یاریزانی لاوی بۆڕووسیا دۆرتموند – فابریزیۆ رۆمانۆ

لەوانەیە هەریەکە لە رێناتۆ ڤێیگا، سێزاری کاسادێی و بێن چیلوێڵ ریزەکانی چێڵسی لە مێرکاتۆی ئەم هاوینە جێبهێڵن – دەیلی مەیڵ

نۆتینگهام فۆڕێست ئۆفەرێکی گەورە بەبڕ 60 ملیۆن پاوەند بۆ گواستنەوەی ماتیوس کونیا، هێرشبەری وۆڵڤز ئامادە دەکات – سکای سپۆرتس

یوڤێنتوس دەرفەتی گواستنەوەی دۆگلاس لویز، دەخاتە بەردەستی چێڵسی. یاریزانەکە لە رادارەکانی مانچێستەر سیتی و ئارسیناڵیشدایە – تیم تۆک

پۆڵ پۆگبا خەریکی هەڵسەنگاندنی چەندین ئۆفەرە، بەڵام تاوەکو ئێستا لە هیچ یانەیەک نزیک نییە – ESPN

وێستهام یونایتد خەریکی گفتوگۆیە لەگەڵ لیوڤێنی بەلجیکی بۆ گواستنەوەی ئیزیکێل بانزووزی – ستاندارد

ئێڤەرتن ئامادەیی بۆ گواستنەوەی مارکوس ئێدواردس، هێرشبەری سپۆڕتینگ لیسبۆن پیشانداوە – کۆت ئۆفساید

بەڕێوەبەری کارەکانی ئێمێرسن رۆیاڵ، بەرگریکاری میلان قسەی لەگەڵ ئێڤەرتن و فولهام کردووە. بەرگریکارە بەڕازیلییەکە لە رادارەکانی گاڵاتەسەڕشدایە – کالچیۆ مێرکاتۆ