لیستی یاریزانانی بارسێلۆنا بۆ یارییەکەی بێنفیکا بڵاودەکرێتەوە

یاریگا –

لیستی یاریزانانی بارسێلۆنا بۆ یارییەکەی بەرامبەر بێنفیکا بڵاودەکرێتەوە و دانی ئۆلمۆ بەهۆی پێکان دوورخراوەتەوە.

ئۆلمۆ لە یاریی بەرامبەر خێتافی تووشی پێکان بوو، بەو هۆیە بۆ ماوەی 10 رۆژ لە یاریکردن دادەبڕێت و بەشداری دوو بۆ سێ یاریی داهاتووی یانەکەی ناکات.

هاوکات جارێکی دیکە هانزی فلیک بانگهێشتی ئانسو فاتی کردووە، کە هێرشبەرە لاوەکە لە چوار یاریی رابردووی بارسا دوورخرابووەوە.

سبەی لە یارییەکانی گەڕی حەوتەمی چامپیۆنزلیگ، کاتژمێر 23:00 بەکاتی هەولێر بارسێلۆنا لە یاریگای دا لوز دەبێتە میوانی بێنفیکای پۆرتوگالی.