یاریگا –
کەتیبەکەی ئانج پۆستێکۆگلو، راهێنەری تۆتنهام گورزێکی کوشندەی بەردەکەوێت.
دۆمینیک سۆلانکێ، هێرشبەر و گۆڵکاری تۆتنهام لەم وەرزەدا، تووشی پێکانێک لەسەر ئاستی ئەژنۆی بووە و ناوی لە لیستی یاریی ئەمڕۆیان بەرامبەر ئێڤرتن دەرهێندراوە.
رۆژنامەی دەیلی مەیڵ بڵاویکردووەتەوە، پێشبینی دەکرێت سۆلانکێ بۆ ماوەیەکی درێژتر دووربکەوێتەوە.
سپێرز لەم وەرزەدا، کێشەی گەورەی لەگەڵ پێکانی یاریزانان هەیە؛ تاوەکو ئێستا هەریەکە لە گولێلمۆ جیکاریۆ، میکی ڤان دێ ڤین، کریستیان رۆمێرۆ و دێستنی ئودوگی، رۆدریگۆ بێنتانکور و تیمۆ ڤێرنەر تووشی پێکان بوون و ئێستاشی ناوی سۆلانکێ بۆ لیستەکە زیاد دەکرێت.
سۆلانکێ 11 گۆڵی لەسەر ئاستی سەرجەم پاڵەوانیەتییەکانی ئەم وەرزە کردووە، پێشبینی دەکرێت ریچارلیسن، بۆ یارییەکەی ئەمڕۆ لە گوودیسن پارک، شوێنی سۆلانکێ بگرێتەوە.
تۆتنهام لە پلەی 15ی ریزبەندی پرێمەرلیگدا دێت و لە پێنج یاریی رابردوودا، تەنیا یەک خاڵی بەدەستهێناوە.
