فەرمی؛ کڤاراتسخێلیا پەیوەندی بە پاریس سانجێرمان دەکات
یاریگا –
بەشێوەیەکی فەرمی پاریس سانجێرمان گرێبەستی خڤیچا کڤاراتسخێلیای راگەیاند.
کڤاراتسخێلیا دوێنێ پێنجشەممە گەیشتە پاریس، ئەمڕۆ بەسەرکەوتوویی پشکنینی پزیشکی بۆکرا و واژۆی لەسەر پەڕاوەکانی گرێبەستەکەی کرد.
ئێستا یانە پاریسییەکە بەشێوەیەکی فەرمی گواستنەوەی یاریزانەکەی راگەیاند و کڤارا تاوەکو هاوینی 2029 درێسی یانە فەڕەنسییەکە دەپۆشێت.
Le Paris Saint-Germain est heureux d’annoncer la signature de Khvicha Kvaratskhelia. L’ailier de 23 ans, qui portera le numéro 7, devient ainsi le premier joueur géorgien de l’histoire du club.#WelcomeKvara ❤️💙
— Paris Saint-Germain (@PSG_inside) January 17, 2025
پاریس لەبەرامبەر گواستنەوەی ئەستێرە جۆرجییەکە بڕی 70 ملیۆن یۆرۆ و پاداشی دارایی دیکەش بە ناپۆلی ئیتاڵی دەدات، مووچەی ساڵانەی یاریزانەکەش لەگەڵ یانە نوێیەکە 11 ملیۆن یۆرۆ دەبێت.
کڤارا لە هاوینی 2022 لە یانەی دینامۆ باتومی جۆرجییەوە بە 13 ملیۆن یۆرۆ پەیوەندی بە ناپۆلی کرد.
بە درێسی یانە ئیتاڵییەکە لە سەرجەم پاڵەوانێتییەکان بەشداری 107 یاریی کردووە. 30 گۆڵی کردووە و 29 گۆڵی دروستکردووە.
لە وەرزی 2022/2023 ئاستێکی سەرسوڕهێنەری لەگەڵ ناپۆلی پێشکەشکرد و نازناوی سێریا ئەییان بەدەستهێنا.
