یاریگا –
گازی باکوور نۆ یارییە لە خولی نایابی عێراق سەرکەوتنیان تۆمار نەکردووە و نزیکن لە دابەزین بۆ ریزی پلە یەک.
لە گەڕی 11ـەی خولی نایابی عێراق، گازی باکوور لە یاریگای خۆی بە ئەنجامی 2 _ 1 بە جۆلان دۆڕا، نۆیەم یاریی بوو یانەکەی شاری کەرکوک تامی سەرکەوتنی نەکردووە، دەربارەی دەنگۆی دەستلەکارکێشانەوەی مەحمود مەجیدی راهێنەری تیپەکە، تۆڕی وەرزشی یاریگا زانیاری دەستکەوت کە راهێنەر و یاریدەدەرەکانی تا ئەو ساتە بە هیچ شێوەیەک دەستلەکار کێشانەوەیان پێشکەش نەکردووە و کارگێڕی تیپەکەش بیری لە دوورخستنەوەیان نەکردۆتەوە.
ئەم وەرزە گازی باکوور بە دۆخێکی خراپدا گوزەر دەکات، 11 یاریی کردووە دوو سەرکەوتن و پێنج یەکسان بوون و چوار شکستی هەیە، هەشت خاڵی کۆکردۆتەوە و لە ریزبەندی 18ـەی خولی نایابی عێراق دێت.
