فەرمی: ڤالێنسیا راهێنەری نوێی هەڵبژارد
یانەی ڤالێنسیا بەفەرمی راهێنەری نوێی یانەکەی دەستنیشانکرد دوای دوورخستنەوەی روبن باراخا.
روبن لەم وەرزەی لالیگا تەنها دوو یاری بۆ ڤالێنسیا بردەوە لە کۆی 17 یاری و لە کۆتا پلەی ریزبەندی لالیگادان. ئەمڕۆش، بەشێوەیەکی چاوەڕواننەکراو ڤالێنسیا کارلۆس کۆربێرانی راهێنەری وێست برۆمیچ ئەلبیۆنی وەک راهێنەری نوێ راگەیاند.
کارلۆس لە ڤالێنسیا لە دایک بووە و یەکەم کاری راهێنەرایەتی لە ئیسپانیا بووە لەگەڵ تیمی لاوان، لە 2020دا کرایە راهێنەری یەکەمی هەدەرسفیڵد تاونی ئینگلیزی، پاشان ماوەیەکی کەم بووە راهێنەری ئۆڵیمپیاکۆس. دواتر لە 2022 بووە راهێنەری وێست برۆمیچ ئەلبیۆن.
کۆربێرا و تیمەکەی لە پلەی حەوتەمی خولی پلە یەکی ئینگلیزیدان، بەڵام ئەمە بەس بوو بۆ ئەوەی ڤالێنسیا پێی سەرسام بێت و بەندێکی گرێبەستەکەی کارا بکات کە رێگەی دەدات راستەوخۆ ئەو یانەیە جێبهێڵێت و رووبکاتە شەمشەمەکوێرەکان.
COMUNICADO OFICIAL | CARLOS CORBERÁN
¡Bienvenido al @valenciacf, Carlos! 🤝
UNITS COM SEMPRE 🦇#BenvingutCorberán #ADNVCF
— Valencia CF (@valenciacf) December 25, 2024
