وێنە | سوارێز بەبۆنەی بردنەوەیان لە بارسێلۆنا دەعوەتی یاریزانانی ئاتلێتیکۆ مەدریدی کردووە

یاریگا –

لویس سوارێز دوای بردنەوەیان لە بارسێلۆنا دەعوەتی یاریزانانی ئاتلێتیکۆ مەدریدی کرد و لە رێستۆرانتەکەی خۆی خواردنی بۆ ناردوون.

یاریزانانی ئاتلێتیکۆ مەدرید دوای بردنەوەکەیان بەرامبەر بارسێلۆنا لە سۆشیاڵ میدیا سووپاسی لویس سوارێز هێرشبەری ئۆرۆگوایی یانەی ئینتەر مەیامیان کرد، کە پێشتر درێسی بارسێلۆنا و ئاتلێتیکۆ مەدریدی پۆشیوە، هێرشبەرە ئۆرۆگواییەکە لە رێستۆرانتەکەی خۆی لە شاری بارسێلۆنا خواردنی بۆ یاریزانانی رۆخی بلانکۆس ناردبوو.

ئاتلێتیکۆ مەدرید لە گەڕی هەژدەمی لالیگا ریمۆنتادای بەسەر بارسێلۆنادا کرد و 2-1 لە یانە کەتەلۆنییەکەی بردەوە.