یاریگا –
لەمپەری راستەقینە لەبەردەم بارسێلۆنا دروستبووە بۆ گواستنەوەی مارکوس تورام لە ئینتەر میلان.
بلاوگرانا گرفتاری کێشەی داراییه و ناتوانێ بە دڵی خۆیان یاریزان بگوازنەوە.
بەگوێرەی زانیاریەکانی رۆژنامەی موندۆ دیپۆرتیڤۆی ئیسپانی بڵاویکردووەتەوە کە بارسا ماوەیەکە چاودێری هێرشبەرە فەڕەنسیەکە دەکات.
هەمان سەرچاوە زانیویەتی کە تێچووی گواستنەوەی تورام 80 ملیۆن یۆرۆی دەوێ، بەوەش بارسێلۆنا ناتوانێ ئەو بڕەی پێهەڵبسوڕێت.
ئێستا یانە ئیسپانیەکە نەک هەر دەستبستراوەیە لە گواستنەوەی یاریزانی نوێ، بەڵکو مەترسی ئەوەشی لەسەرە بەناچاری لە دیارترین ئەستێرەکانی ئێستای بەڕێبکات هەر لەبەر هەمان هۆکاری دارایی. لەوانە، فرۆشتنی ناچاریی دانی ئۆلمۆ کە هاوینی رابردوو گواستیەوە ریزەکانی. بەڵام دوایین زانیاریەکان ئەو مەترسیەیان ئاشکراکردووە کە یانە کەتەلۆنیەکە لەم گواستنەوەی زستانە ئۆلمۆ بەخۆڕایی بفرۆشێت بەهۆی پابەندبوونیان بە یاساکانی FREE کە یانەکانی ناچارکردووە لە پاراستنی هاوسەنگی لەنێوان خەرجی و داهات.
