یاریگا –
سوپەرلیگ بەفەرمی داواکارییەک ئاڕاستەی یوێفا و فیفا دەکات و ناوی سوپەرلیگ دەگۆڕدرێت و دەکرێتە ‘UNIFY LEAGUE’، کە پێگەیەک بە هەمان ناو دروست دەکرێت و تیایدا یارییەکانی خولەکە بەخۆڕایی پەخش دەکات.
کۆمپانیای ‘A22 Sports’ـی وەرزشی کە سەرپەرشتی پڕۆژەی سوپەرلیگ دەکات، لەگەڵ فیدراسیۆنی تۆپی پێی جیهان و فیدراسیۆنی تۆپی پێی ئەوروپا دەستی بە گفتوگۆ کردووە بۆ ئەوەی بەفەرمی دان بەو پڕۆژەیەدا بنێن و دەست بە پاڵەوانێتییەکە بکرێت.
📣NEWS: Today, we submitted our proposal for official recognition of a new European competition to UEFA and FIFA: introducing the Unify League, with modified qualification system based on domestic league performance.https://t.co/M72nhYtJ2o
Watch CEO Bernd Reichart explain: pic.twitter.com/yN81V5NVcI— A22 Sports (@A22Sports) December 17, 2024
کۆمپانیای A22 لە بەیاننامەیەکیدا ئاشکرایکردووە، بەفەرمی نووسراوێکی ئاڕاستەی یوێفا و فیفا کردووە، بۆ ئەوەی دان بەو خولەدا بنێن، کە خولەکە بە بەشداریی 96 یانە بەڕێوە دەچێت و یانەکان دابەشی سەر چوار ئاست دەکرێن، ئاستی یەکەم (ئەستێرەکان) 16 یانە، ئاستی دووەم (زێڕین) 16 یانە، ئاستی سێیەم (شین) 32 یانە، ئاستی چوارەم (یەکگرتوو) 32 یانە.
مانگی نیسانی ساڵی 2021 بە بەشداریی 11 یانە پڕۆژەی سوپەرلیگیان وەکو خولێکی سەربەخۆ راگەیاند، دواتر سەرجەم یانەکان کشانەوە تەنیا ریال مەدرید و بارسێلۆنا مانەوە.
سوپەرلیگ بەردەوام دەبێت؛ 60 یانە لەکۆی 100 یانە رەزامەندییان دەربڕیوە بەشداریی بکەن
