مانچێستەر یونایتد کۆلۆ موانی دەکاتە ئامانج
یاریگا –
شەیتانە سوورەکان راندن کۆلۆ موانی فەڕەنسی و هێرشبەری پاریس سانجێرمان دەکەنە ئامانج.
رۆژنامەی لیکیپی فەڕەنسی بڵاویکردووەتەوە، مانچێستەر یونایتد دەیەوێت لە مێرکاتۆی زستانە بەشێوەی خواستن کۆلۆ موانی بۆ ریزەکانی بگوازێتەوە. ئەگەر خۆی لەگەڵ یانەکە بگونجێنێت و ئاستی بەرزبێت گرێبەستەکەشی دەکەن بە هەمیشەیی.
🚨 Manchester United are interested in signing Randal Kolo Muani from PSG and a loan with an option to buy in January could be an option.
(Source: @LEquipe) pic.twitter.com/ZO3XffVGJz
— Transfer News Live (@DeadlineDayLive) December 16, 2024
بەگوێرەی زانیارییەکانی رۆژنامەنووسی RMC فابریس هاوکینس، لویس ئێنرێکێی راهێنەری یانە پاریسییەکە هێرشبەرە فەڕەنسییەکە و میلان شکرینیاری ئاگادارکردووەتەوە چیتر لە پلانەکانیدا نین و پێویستە لە مێرکاتۆی زستانە یانەی نوێ بۆ خۆیان بدۆزنەوە
هێرشبەرە تەمەن 26 ساڵانییەکە لە هاوینی 2023 بەبڕی 95 ملیۆن یۆرۆ لە فرانکفورتی ئەڵمانییەوە پەیوەندی بە پاریس کرد. لە 54 یاریی تەنیا 11 گۆڵی کردوو و 7 گۆڵی دروستکردووە.
