یاریگا –
بە بەشداری 32 یانە، چوارشەممەی داهاتوو تیروپشکی جامی عێراق رادەکێشرێت.
یەکێتی تۆپی پێی عێراق داوا لە نوێنەری یانەکانی هەولێر ، نەفت ، مینا ، کارەبا ، کەرخ کەربەلا ، قاسم ، نەفتی بەسڕە ، دیالە گەڕمە لە خولی ئەستێرەکانی عێراق و تەواوی یانەکانی خولی نایابی عێراق و هەر دوو یانەی کوفە و سامەڕا لە خولی پلە یەکی عێراق دەکات کەوا چوارشەممە ( 11ـی دیسێمبەری 2024 ) کاتژمێر 1ـی دوای نیوەڕۆ لە بارەگای یەکێتیەکە ئامادەبن بە مەبەستی راکێشانی تیروپشکی جامی عێراق بۆ وەرزی 2024 _ 2025.
بە هۆی ئەوەی هەولێر لە وەرزی رابردوو ریزبەندی 14ـەمی خولی ئەستێرەکانی عێراقی بە دەستهێنابوو بەشداری قۆناخی یەکەمی جامەکە دەکات، زاخۆ و دهۆک و نەورۆز لە قۆناغی 16ـەوە یارییەکانیان دەکەن، چونکە وەرزی رابردوو ریزبەندی یەکەم تاوەکو 10ـیەمیان بە دەستهێنابوو.
یارییەکانی جامی عێراق بە شێوازی دەرچوون بە یەک دۆڕان یارییەکانی بەڕێوە دەچێت، وەرزی رابردوو شوڕتە توانی ببێتە پاڵەوانی جامی عێراق.
