كارلۆ ئانچێلۆتی مانەوەی دوو یاریزانی لە ریزەكانی یانەكەی راگەیاند

یاریگا –

كارلۆ ئانچێلۆتی راهێنەری ئیتاڵی یانەی ریال مەدریدی ئیسپانی مانەوەی دوو یاریزانی یانەكەی راگەیاند.

وا بڕیارە سبەی سێشەممە كاتژمێر 23:00 بە كاتی كوردستان ئاتاڵانتا لە یاریگای خۆیدا میوانداری ریال مەدرید بكات، لە میانی یارییەكانی گەڕی شەشەمی چامپیۆنزلیگ.

لە كۆنگرەی رۆژنامەوانی پێش یارییەكەی ئاتاڵانتا كارلۆ ئانچێلۆتی گوتی:

ئێندریک و گولەر لێرە دەمێننەوە، رەنگە پێوویستیان بە خولەكی زیاتر بێت، بەڵام من هیچ جیاوازییەك ناكەم، تەنیا دەمەوێت لە هەموو یارییەكدا باشترینەكان بەشداری پێبكەم، ئەگەر تەمەنیان 18 ساڵ بێت یاخود 40.

هەندێك جار ئەمە لەگەڵ ئێندریك دەبێت یاخود گولەر یان كەسیان، دەبێت لەگەڵ لاوەكاندا ئارامگر بیت، ئەوان گەنجن و دەبێت زۆر شت فێر بن.

ریال مەدرید بە كۆكردنەوەی شەش خاڵ لە ریزبەندی 24 چامپیۆنزلیگ دێت.