یانەیەكی گەورەی ئەوروپا محەمەد سەڵاحی دەوێت
یاریگا –
راپۆرتە رۆژنامەوانیەكان ئاشكرایانكرد یانەیەکی زلهێزی ئەوروپا گفتۆگۆكانی لەگەڵ محەمەد سەڵاح دەستپێكردووە.
محەمەد سەڵاح لە هاوینی ساڵی 2017 لە ریزەكانی رۆماوە بە بەهای 42 ملیۆن یۆرۆ پەیوەندی بە لیڤەرپوولەوە كرد.
گرێبەستەكەی سەڵاح لەگەڵ رێدز لە هاوینی ساڵی داهاتوو بەسەردەچێت.
شەوی رابردوو لیڤەرپوول لە یاریگای ئانفێڵدی تایبەت بە خۆی میوانداری مانچێستەر سیتی كرد و یارییەكەشی بە ئەنجامی دوو گۆڵی بێ وەڵام لێ بردەوە، لە میانی یارییەكانی هەفتەی سیازدەی پرێمەرلیگ.
لە دوای یارییەكە سەڵاح گوتی:
لە کاتی یارییەکەدا، هەستم کرد، ئەمە دوا یاریمە لە ئانفیڵد بەرامبەر مانچێستەر سیتی. دڵخۆشم بە هەر خوولەکێک یاریکردن بۆ لیڤەرپوول، هیوادارم پرێمەرلیگ ببەینەوە و بزانین دواتر چی روودەدات.
Alors que le PSG cherche à se renforcer sur les ailes et a mis fin à sa politique de stars l’été dernier, des sources anglaises assurent qu’il serait en discussion avec la star égyptienne de Liverpool Mohamed Salah. Ce que le club parisien dément. https://t.co/8rRt3mToRL pic.twitter.com/tYqrqvsgxP
— L’ÉQUIPE (@lequipe) December 1, 2024
بە گوێرەی زانیارییەكانی رۆژنامەی لیكیپ، یانەی پاریس سانجێرمانی فەڕەنسی گفتوگۆکانی بۆ گواستنەوەی سەڵاح دەستپێکردەوە، لە کاتێکدا ئەو یاریزانە زیاتر کراوە بووە بەرامبەر بە بیرۆکەی رۆیشتن.
ئاماژە بەوەشكراوە، پەیوەندی نێوان ناسڕ خلێفی و محەمەد سەڵاح زۆرباشە، كە ئەوەش رەنگە دانوستانەكان ئاسانتر بكات، بەتایبەت كە پێشتر سەرۆكی یانە فەڕەنسیەكە دەیویست ئەستێرە میسڕیەكە بگوازێتەوە یانەكەی.
لە راپۆرتەكەی لیكیپدا هاتووە، یانە فەڕەنسیەكە هیچ كێشەیەكی بۆ دابینكردنی موچەیەكی زۆر بۆ گواستنەوەی ئەستێرەیەكی گەورە نییە، بەتایبەت ئەگەر یاریزانەكە بە خۆڕایی پەیوەندی بە یانەكەوە بكات، پاریس بەدوای یاریزانێكی باڵی هێرشبەریدا دەگەڕێت، پێشتر یانە فەڕەنسیەكە هەوڵی گواستنەوەی كڤارای دەدا بەڵام پێدەچێت گرێبەستەكە قورس بێت، بۆیە دووبارە ناوی محەمەد سەڵاح بە پاریسەوە گرێدراوە.
