نێیمار دا سیلڤا وەڵامی دەنگۆکان دەداتەوە

یاریگا –

نێیمار دا سیلڤا دەنگۆی جێهێشتنی یانەی هیلالی سعوودی بەدرۆدەخاتەوە.

دوێنێ رۆژنامەنووسی ئەرجەنتینی، سیزار لویس مێرلۆ بڵاویکردبووەوە، نێیمار لەگەڵ یانەی سانتۆس گەیشتووەتە رێککەوتن و دەگەڕێتەوە یانەی منداڵیی، لەگەڵ هیلالیش گفتوگۆی هەڵوەشاندنەوەی گرێبەستەکەی دەکات.

بەڵام بریکاری کارەکانی ئەستێرە بەڕازیلییەکە دەنگۆکان بەدرۆدەخاتەوە و دووپاتی دەکاتەوە نێیمار نیازی جێهێشتنی سعوودیەی نییە.

نێیمار بە گرێبەستەکەی پابەندە و لەگەڵ هیلال گفتوگۆی بۆ هەڵوەشاندنەوەی نەکردووە، تەنیا من و باوکی دەتوانین لەبارەی داهاتووی قسە بکەین، نازانم ئەو دەنگۆیانە لەکوێوە دێن.

یاریزانە تەمەن 32 ساڵانییەکە لە هاوینی 2023 بەبڕی 90 ملیۆن یۆرۆ پەیوەندی بە هیلال کرد و گرێبەستێکی بۆ ماوەی دوو وەرز لەگەڵ یانەکە واژۆ کرد. بەڵام بەهۆی پێکان تاوەکو ئێستا بەشداری تەنیا 7 یاریی یانەکەی کردووە، خاوەنی یەک گۆڵ و سێ ئەسیستە.

گرێبەستەکەی نێیمار لە هاوینی داهاتوو لەگەڵ یانە سعوودیەکە بەسەردەچێت، ئەگەر نوێی نەکاتەوە دەتوانێت لە مێرکاتۆی هاوینەی داهاتوو بە گرێبەستێکی ئازاد پەیوەندی بە یانەیەکی دیکە بکات.

🚨El agente de Neymar desmiente públicamente lo de Santos.
*️⃣Yo ratifico cada palabra que he publicado. Gracias a Dios, en Brasil se conoce cómo trabajo. Como ha pasado tantas veces, el tiempo será el encargado de poner las cosas en su lugar. https://t.co/wP7zuswEud

— César Luis Merlo (@CLMerlo) November 17, 2024