لیڤەرپوول و ئارسیناڵ ئەستێرەیەكی ئیسپانیایان دەوێت
یاریگا –
راپۆرتە رۆژنامەوانیەكان ئاشكرایانكرد كێبڕكێ لە نێوان لیڤەرپوول و ئارسیناڵ بۆ گواستنەوەی مارتن زومبێندی ئەستێرەی هێڵی ناوەندی ئیسپانیا هەیە.
زوبیمێندی لە هاوینی ساڵی 2020 لە لاوانی ریال سۆسێدادەوە بۆ تیمی یەكەمی ئەو یانەیە بەرزكرایەوە و گرێبەستەكەی لەگەل سۆسێداد لە هاوینی ساڵی 2027 بەسەردەچێت.
Liverpool and Arsenal both remain firmly in the hunt to sign Martin Zubimendi in 2025, per Fabrizio Romano ⏬ https://t.co/EVKJTLgdUy
— TEAMtalk (@TEAMtalk) November 14, 2024
بە گوێرەی TEAMtalk كە زانیارییەكانی لە فابریزیۆ رۆمانۆ وەرگرتووە، لیڤەرپوول دەیەوێت لە گواستنەوەكانی هاوینی داهاتوودا گرێبەست لەگەڵ مارتن زومبێندی واژۆ بكات، ئەستێرە ئیسپانیەكە ئامانجی یەكەمی بازاڕی هاوینەی رێدز دەبێت.
ئاماژە بەوەشكراوە، لیڤەرپوول تاكە یانە نییە كە هەوڵی گواستنەوەی زوبیمێندی دەدات، ئارسیناڵیش دەیەوێت یاریزانە ئیسپانیەكە بگوازێتەوە.
ئەوەشخراوەتە روو، لیڤەرپوول ئۆفەرێک بە بەهای 60 ملیۆن یۆرۆ بۆ گواستنەوەی مارتن زومبێندی پێشكەشی ریال سۆسێداد دەكات.
لە گواستنەوەكانی هاوینەی رابردوودا رێدز هەوڵی بەدەستهێنانی تواناكانی ناوەڕاستكارە ئیسپانیەكەی دەدا، بەڵام یاریزانەكە مانەوەی لە ریزەكانی ریال سۆسێداد هەڵبژارد.
