یاریگا –
ئالفۆنسۆ دەیڤز بڕیارە گەورەکەی داوە و جەنگی کڕیارە رکابەرەکانیشی یەکلاکردەوە.
هاوینی 2025 گرێبەستی ئەستێرە کەنەدیەکە لەگەڵ بایرن میونشن بەسەردەچێت و چەندین یانەی گەورەی دەرەوەی ئەڵمانیا چاویان لە گواستنەوەیەتی. لەوانە ریاڵ مەدرید، بارسێلۆنا و مانچێستەر یونایتد. بەڵام شاهانەکانی مەدرید لە هەموویان زیاتر خۆی لە دەیڤز نزیک کردووەتەوە و چەندین میرکاتۆی رابردوو هەوڵی بۆ دابوو.
بەگوێرەی نوێترین زانیاریی کە رۆمان ئالڤارێزی رۆژنامەنووس لە رادیۆی مارکا بڵاویکردووەتەوە، ئالفۆنسۆ دەیەوێ گرێبەست لەگەڵ ریاڵ واژۆ بکات.
ئەو رۆژنامەنووسە زانیوشیەتی کە ئەگەرچی یانەکانی بارسا و مان یونایتد هەوڵیاندابوو و لێشی نزیکبووبوونەوە، بەڵام یاریزانە کەنەدیەکە بڕیارەکەی داوە.
https://twitter.com/Ramon_AlvarezMM/status/1856247357580493163
ریاڵ هەڵوەدەی گواستنەوەی چەند یاریزانێکە بۆ پێگە جیاوازەکانی. بەرگری لای ڕاستیش لە دیارترین ئەو شوێنانەیە مەدرید دەیەوێ بە هێنانی سوپەرستارێک خۆی پڕچەک بکات. ئەگەرچی لەو پێگەیە فێرلان مێندی و فران گارسیای هەیە، بەڵام لەڕووی هێرشبەریەوە سوودێکی ئەوتۆی لێنەبینیون، هەربۆیە دەیڤز بە باشترین بژاردە دەزانێت.
