یاریگا –
ئێمباپی بۆ دوو یاریی داهاتووی فەڕەنسا لە خولی نەتەوەکانی ئەوروپا بانگهێشت ناکرێت.
رۆژنامەی لۆپاریزیانی فەڕەنسی ئاشکرایکردووە، کیلیان ئێمباپێ هێرشبەری یانەی ریال مەدریدی ئیسپانی بۆ دوو یاریی داهاتووی هەڵبژاردەکەی لە خولی نەتەوەکانی ئەوروپا بانگهێشت ناکرێت، لەکاتێکدا لە دوایین دوو یاریی هەڵبژاردەکەی بەهەمان شێوە بانگهێشت نەکرابوو.
ئێمباپێ گەرچی لە پێکانەکەی چاکبووەتەوە، بەڵام لەلایەن دیدیێ دیشان راهێنەری هەڵبژاردەی فەڕەنسا بۆ یارییەکانی ئیسرائیل و ئیتاڵیا بانگهێشت ناکرێت و هەر لەگەڵ ریال مەدرید دەمێنێتەوە.
ئاگادارییەک لە ئێمباپێوە بۆ فەڕەنسا: تکایە بانگهێشتم مەکەن با باڵۆن دۆر بەدەست بهێنم
پێشتر سانتی ئۆنا رۆژنامەنووسی فەڕەنسی لە ماڵپەڕی فوت مێرکاتۆ ئاشکرایکردبوو، کیلیان ئێمباپێ داوای لە هەڵبژاردەکەی کردووە جگە لە یارییە گرنگەکان بانگهێشتی یارییەکانی هەڵبژاردەکە نەکرێت، بۆ ئەوەی لە پێکان بەدوور بێت و هیچ مەترسییەکی لەسەر نەبێت.
ئێمباپێ پێداگیری دەکات لە ریال مەدرید دەستپێکێکی نایاب تۆمار بکات و خەڵاتی باڵۆن دۆری 2025 بەدەست بهێنێت، بەدەستهێنانی باڵۆن دۆری ساڵی داهاتوو لەپێشینەی ئامانجەکانی هێرشبەرە فەڕەنسییەکەی ریال مەدرید دایە.
