یاریگا –
یانەی ئارسیناڵ چاودرێری بارودۆخی ئەستێرەیەکی بایرن میونشن دەکات و دەیەوێ کۆتایی ئەم وەرزە بیگوازێتەوە بۆ یاریگای ئیمارات.
بەگوێرەی زانیاریەکانی Football Insiderی ئینگلیزی، گەنەرز بۆ هێڵی پێشەوەی پێویستی بە بژاردەی زیاترە و بۆ ئەو مەبەستەش دەیانەوێ دۆخی لێرۆی سانێ بقۆسنەوە کە لەژێر سەرپەرشتی ڤینسینت کۆمپانیدا وەک سەرەکیی پشتیپێنابەسترێ.
یاریزانە ئەڵمانیەکە ئەم وەرزە لە سەرجەم پاڵەوانێتیەکان 8 جار بەشداریپێکراوە و خاوەنی 2 گۆڵە.
ناوبراو ئەزموونی خولی ئینگلیزی هەیە کاتێک لە ماوەی 2016-2020 لە ریزەکانی مانچێستەر سیتی یاری دەکرد. رەنگە ئەمەش یەکێک لە پاڵنەرەکانی گەنەرز بێ لە گواستنەوەی ئەو یاریزانە. ئەوە و هەروەها بەسەرچوونی گرێبەستەکەم لەم هاوینە کە ئیتر دەبێت بە یاریزانێکی ئازاد لە بازاڕەکەدا، یەکێکیترە لە هۆکارە ماددیەکان بۆ ئارسیناڵ کە بە خۆڕایی بیگوازنەوە و سوود لە تواناکانی ببینن.
