پریڤیوی یاری ریال مەدرید V بۆرووسیا دۆرتموند؛ دوا هەواڵ و پێكهاتەی پێشبینیكراو

یاریگا –

ئەمرۆ ریال مەدریدی پاڵەوانی وەرزی رابردووە لە یارییەكی دیكەی چامپیۆنزلیگدا میوانداری بۆرووسیا دۆرتمۆند دەكات.

وا بڕیارە ئەمڕۆ سێشەممە كاتژمێر 22:00 بە كاتی كوردستان ریال مەدرید لە یاریگای سانتیاگۆ بێرنابیۆی تایبەت بە خۆی میوانداری بۆرووسیا دۆرتموند بكات، لە میانی یارییەكانی گەڕی سێیەمی خولی یانە پاڵەوانەكانی ئەوروپا.

پڕۆفایلی یاری

پاڵەوانی وەرزی رابردووی چامپیۆنزلیگ و لالیگا سەرەتایی وەرزی نوێیان بە بێ دۆڕان دەستپێكردبوو، تاوەكو لە یارییەكانی گەڕی دووەمی چامپیۆنزلیگ بەرامبەر لیل بە گۆڵێكی بێ وەڵام دۆڕا.

كوڕانی كارلۆ ئانچێلۆتی وەرزی 2024/25یان بە بردنەوەی نازناوی سوپەری ئەوروپا دەستپێكرد، كاتێك توانیان لە ئاتاڵانتا ببەنەوە، لە لالیگاش بە كۆكردنەوەی 24 خاڵ لە ریزبەندی دووەم دێن و بە جیاوازی سێ خاڵ لە دوای بارسای پێشەنگەوەن.

ریال مەدرید لە لالیگادا بەگۆڵێك لەگەڵ مایۆركا، لاس پاڵماس و ئاتلێتیكۆ یەكسان بوو، لە یانەكانی ڤایادۆلید، ریال بێتیس ، ریال سۆسێداد ,  ئیسپانیۆل ، ئالاڤێس، ڤیاڕیال و سێلتا ڤیگۆی بردەوە.

یانە شاهانەكە بە كۆكردنەوەی 24 خاڵ لە ریزبەندی دووەمی لالیگا دێن و بە جیاوازی سێ خاڵ لە دوای بارسێلۆنای پێشەنگەوەن.

لە دوو یاری رابردوو چامپیۆنزلیگ مەدرید لو یارییەك بەرامبەر شتوتگارت بە سێ گۆڵ بەرامبەر گۆڵێك بردیەوە و لە یاری دووەم بەرامبەر لیل بە گۆڵێكی بێ وەڵام شكستیهێنا.

لە بەرامبەردا دۆرتموند لە دوو یاری رابردووی چامپیۆنزلیگ براوە بووە و بە ئەنجامی سێ گۆڵی بێ وەڵام كڵەب بروجی بردەوە و بە حەوت گۆڵ بەرامبەر گۆڵێك لە سێلتیكی بردەوە.

هەواڵی پێكانی یاریزانەكان

یانە شاهانەكە بە بێ هەریەك لە دانی كارڤاخال، دەیڤد ئالابا و براهیم دیاز رووبەرووی بۆرووسیا دۆرتموند دەبێتەوە.

لە بەرامبەردا دۆرتموند بە بێ كەریم ئادیێمی ، جیۆڤانی ریێنا، یان كوێتۆ و جولیان دورانڤێڵ رووبەرووی مەدرید دەبێتەوە.

پێکهاتەی پێشبینیکراوی ریال مەدرید

كۆرتوا

مێندی، رودیگەر، میلیتاو، ڤازكوێز

ڤلڤێردی، بێڵینگهام، چوامێنی

ڤینیسیۆس، ئێمباپێ ، رۆدریگۆ

پێکهاتەی پێشبینیکراوی بۆرووسیا دۆرتموند

كۆبێل

رێیرسن، ئانتۆن، شلۆتێربێرك، بێنسێباینی

ئێمری جان، سابیتزە، ماڵن، براند

گیتێنس، گیراسی