ئارنۆڵد بۆ ریال مەدرید؛ من ئامادەم
یاریگا –
بەرگریکاری لیڤەرپوول، ئالێکساندەر ئارنۆڵد وەڵامی پێشنیازی ریال مەدرید دەداتەوە.
رامۆن ئالڤارێز رۆژنامەنووسی رۆژنامەئ ئاس، بڵاویکردووەتەوە ئارۆنڵد ئارنۆڵد رووناکی سەوزی بۆ ریال مەدرید هەڵکردووە و ئامادەیە لە هاوینی داهاتوو بەبێ بەرامبەر پەیوەندی بە مێرێنگی بکات.
🚨 Arnold da el sí al Real Madrid. Hay un acuerdo total para que llegue libre en 2025, aunque obviamente no hay nada firmado. La posibilidad de que su fichaje se adelante a enero no está descartada, pero es complicada. Más detalles en el canal. pic.twitter.com/z5O0pv69Q3
— Ramón Álvarez de Mon (@Ramon_AlvarezMM) October 17, 2024
رۆژنامەنووسە ئیسپانییەکە ئاماژەی بەوەشکردووە، بەدوور نازانرێت گرێبەستەکە بۆ گواستنەوەی زستانە پێش بخرێت، چونکە رەنگە لیڤەرپوول بۆ بەدەستهێنانی بڕێک پارە لە سەرەتای ساڵی داهاتوو دەستبەرداری ببێت بۆ ئەوەی لە هاوین بەبێ بەرامبەر لەدەستی نەدات.
بەرگریکارە ئینگلیزییەکە لە هاوینی 2025 گرێبەستەکەی لەگەڵ لیڤەرپوول کۆتایی دێت، دەتوانێت لە سەرەتای ساڵی نوێ لەگەڵ یانەیەکی نوێ رێکبکەوێت. ئالێکساندەر لەدوایین لێدوانی جێهێشتنی لیڤەرپوولی رەتنەکردووەتەوە و ئاشکرایکردووە ئەگەر یانەکە نازناو بەدەست نەهێنێت بەدووری نازانێت ماڵئاوایی لێ بکات.
بەرگریکارە 26 ساڵانییەکە لە ئەکادیمیای لیڤەرپوول پێگەیشتووە، 319 یاریی بۆ یانەکەی کردووە، 19 گۆڵی کردووە و 83 گۆڵی دروستکردووە.
