یاریگا –
لۆرێنزۆ لووکا، هێرشبەری یودینێزی بانگهێشتی هەڵبژاردەی ئیتاڵیا کرا.
مۆیس کین، هێرشبەری فیۆرێنتینا بەهۆی هەستکردن بە ئازاری پشت، کەمپی مەشقی ئیتاڵیای جێهێشت.
کین، خاوەنی 17 یاریی نێودەوڵەتییە و بەشداری لە یاریی رابردووی یانەکەی بەرامبەر میلان کرد، کە 2-1 یارییەکەیان بردەوە.
لووکا، 24 ساڵ لە مارس/ئاداری رابردوودا بۆ یەکەمجار بانگهێشتی هەڵبژاردەی ئیتاڵیا کرا، بەڵام لە مەشقەکان تووشی پێکانبوو و دوورخرایەوە. تاوەکو ئێستا هیچ یارییەکی نێودەوڵەتی نییە.
هێرشبەری یودینێزی سێ گۆڵی لە کۆی حەوت یاریی ئەم وەرزەی سێریای کردووە.
ئیتاڵیا لە نەیشنزلیگ رووبەڕووی بەلجیکا و ئیسرائیل دەبێتەوە، ئێستا پێشەنگی کۆمەڵەی دووەمە.
