یاریگا –
جۆن دوران بە ئاستە ناوازەکەی رۆشناییەکان بۆ لای خۆی راکێشتووە و میدیا جیاوازەکان بایەخ بە چیرۆکەکانی دەدەن.
هێرشبەرە کۆڵۆمبیەکە زستانی 2023 لە یانەی چیکاگۆی پلە دووی ئەمریکیەوە بە بڕی نزیکەی 18 ملیۆن پاوەند گواسترایەوە ئەستۆن ڤیلا و ئەم وەرزەی زۆر بە بەهێزی دەستپێکردووە.
یاریزانە 20 ساڵانەکە نزیکیش بووە لە چێڵسی، بەڵام یاریزانێکی بلووز گرفتی بۆ پرۆسەی گواستنەوەکەی دروستکردبوو.
بەگوێرەی زانیارییەکانی فابریزۆ رۆمانۆ، هاوینی رابردوو پێش دەستپێکردنی یارییەکانی یۆرۆ چێڵسی نزیک نزیک بووە لە واژۆکردنی گرێبەست لەگەڵ جۆن دوران و تەنانەت گفتوگۆکانیش گەشتبوونە ئاستی پێشکەوتوو کە تێیدا کۆنۆر کالاگێر له رێککەوتنەکەدا هەبووە، بەڵام ئەو یاریزانە ئینگلیزیە رەتیکردووەتەوە بچێتە ڤیێلا، ئەوەش بووەتە هۆی کۆسپ له گفتوگۆکاندا و سەرەنجام گۆڵکارە لەگەڵ ئەستۆن ڤیلا ماوەوە.
🔵🇨🇴 Chelsea were close to signing Jhon Durán in June, before the Euros.
Talks were at advanced stages with Aston Villa with Conor Gallagher as part of swap deal… but Gallagher rejected the move and the deal collapsed.#AVFC rejected several bids from West Ham for Durán. pic.twitter.com/WBP1A0QemG
— Fabrizio Romano (@FabrizioRomano) October 3, 2024
دوران لەم وەرزە لەگەڵ یانەکەی لە 8 یاریدا توانیویەتی 5 گۆڵ تۆماربکات کە دیارترینیان گۆڵە سەرنجڕاکێشەکەی شەوی رابردووبوو لە تۆڕی بایرن میونشن کە 3 خاڵیان لە زلهێزە ئەڵمانیەکە بردەوە.
