یاریگا –
ناکۆکی لەنێوان عوسمان دێمبێڵێ و لویس ئێنریکێ راهێنەری پاریس سانجێرمان دروست دەبێت.
سبەی سێشەممە لە یارییەکانی گەڕی دووەمی قۆناخی یەکەمی چامپیۆنزلیگ، کاتژمێر 22:00 بەکاتی هەولێر، پاریس سانجێرمان لە یاریگای ئیماڕات و لە شاری لەندەن دەبێتە میوانی ئارسیناڵ.
ماڵپەڕی RMCSportsـی فەڕەنسی بڵاویکردووەتەوە، بە بڕیارێکی هونەری لویس ئێنریکێ، عوسمان دێمبێڵی بۆ یارییەکەی ئارسیناڵ دووردەخرێتەوە و لەگەڵ یانەکە گەشتی لەندەن ناکات.
هۆکارەکەش بۆ ئەوە دەگەڕێتەوە دوای یاریی رابردووی پاریس بەرامبەر ڕێن لە گەڕی شەشەمی خولی فەڕەنسی شەڕ و دەمەقاڵێ لەنێوان عوسمان و راهێنەرە ئیسپانییەکە دروستبووە و نێوانیان تێکچووە.
هێرشبەرە فەڕەنسییەکە لە هاوینی 2023 بەبڕی 50 ملیۆن یۆرۆ لە بارسێلۆناوە پەیوەندی بە سانجێرمان کرد. لە سەرجەم پاڵەوانێتییەکان 49 یاریی بۆ یانە فەڕەنسییەکە کردووە، 10 گۆڵی کردووە و 18 گۆڵیشی دروستکردووە.
🚨EXCL @RMCsport
Ousmane Dembélé n’est pas dans le groupe du PSG qui se déplace à Londres aujourd’hui pour affronter Arsenal en Ligue des Champions. Choix du coach.Vitinha fait son retour dans le groupe ☑️ pic.twitter.com/etqSFwIntF
— Fabrice Hawkins (@FabriceHawkins) September 30, 2024
