یاریگا –
ئانتۆنیۆ كاسانۆ، هێرشبەری پێشووی هەڵبژاردەی ئیتاڵیا و یانەكانی رۆما، ریال مەدرید، ئەیسی میلان و ئینتەر میلان جارێكی دیكە هێرشدەكاتە سەر كریستیانۆ رۆناڵدۆ ئەفسانەی تۆپی پێ و یانەی نەسڕی سعودی.
ئەمە یەكەمجار نییە یاریزانەكەی پێشووی ئیتاڵیا هێرشدەكاتە سەر كریستیانۆ رۆناڵدۆ و لێدوان دژی ئەفسانەكەی پێشووتری مەدرید دەدات.
⚽️ Antonio Cassano: “Cristiano no sabe jugar al fútbol, puede marcar 3.000 goles” pic.twitter.com/YIFudHS5ea
— Mundo Deportivo (@mundodeportivo) September 23, 2024
لە لێدوانێكیدا كە موندۆ دیپۆرتیڤۆ بڵاویكردووەتەوە كاسانۆ گوتی:
كریستیانۆ رۆناڵدۆ نازانێت چۆن یاری تۆپی پێ بكات، دەتوانێت 3000 گۆڵ بكات گرنگی پێنادەم، هیگواین، ئاگوێرۆ، بێنزێما، ئیبراهیمۆڤیچ، لیڤاندۆڤسكی و سوارێز سەرجەمیان نموونەی ئەوانەن كە دەزانن یاری تۆپی پێ بكەن و پەیوەندی لەگەڵ هاوڕێكانیان درووست بكەن، بە پێچەوانەی رۆناڵدۆوە كە ناتوانێت، ئەوانیتر دەتوانن كاری دیكە لە یاریگادا بكەن لە كاتێكدا تاكە ئامانجی كریستیانۆ گۆڵكردنە.
كاسانۆ لە كاروانی وەرزشیدا 515 یاری كردووە و توانیویەتی 139 گۆڵی كردووە و 118 گۆڵیشی درووست كردووە.
