یاریگا –
ئەنجامی پشکنینە سەرەتاییەکانی پێکانەکەی رۆدری بڵاوکرایەوە، هەواڵی خۆش بۆ هاندەرانی مانچێستەر سیتی هەیە.
رادیۆی کادێنا سێری ئیسپانی رایگەیاندووە، بەگوێرەی ئەنجامە سەرەتاییەکانی رۆدری دەرکەوتووە ئەو ناوەڕاستکارە ئیسپانییە پێکانەکەی مەترسیدار نییە، بەمەش پێشبینی ناکرێت ماوەی دوورکەوتنەوەی یاریزانەکەی مانچێستەر سیتی درێژ بێت.
🚨🚨 NOTICIA @ellarguero | Las primeras pruebas del Manchester City DESCARTARON anoche una lesión grave de Rodri
🏴👉 Los médicos de club están a la espera de los resultados de hoy para poder dar un plazo de recuperación
👍 El futbolista español es más OPTIMISTA que ayer pic.twitter.com/ml47lKau4k
— El Larguero (@ellarguero) September 23, 2024
رادیۆیە ئیسپانییەکە راشیگەیاندووە، بەگوێرەی پشکنینەکانی ئەمڕۆ دەرکەوتووە پێکانەکەی رۆدری هێندە خراپ نییە کە پێشبینی دەکرا کە گومان دەکرا تاوەکو کۆتایی ئەم وەرزە لە یاریگاکان داببڕێت، وابڕیارە ئەمڕۆ بۆ جاری دووەم پشکنینی بۆ بکرێتەوە بۆ ئەوەی راددەی پێکانەکەی و ماوەی دوورکەوتنەوەی دەستنیشان بکرێت.
رۆدری لە یاریی مانچێستەر سیتی بەرامبەر ئارسیناڵ دوێنێ یەکشەممە (23ـی سێپتێمبەری 2024) لە خولەکی 21 ئەژنۆی تووشی پێکان بوو، لە دەستپێکی یارییەکەوە یاریگای بەجێهێشت و یارییەکەی پێ تەواو نەکرا.
