دەستپێکێکی نوێ؛ چامپیۆنزلیگ ئینترۆی وەشانی نوێی بڵاوکردەوە
یاریگا –
خولی یانە پاڵەوانەکانی ئەوروپا ئاوازەکەی نوێدەکاتەوە و پارێزگاری لە شێوازە کلاسیکییەکەشی دەکات.
هەژماری فەرمی چامپیۆنزلیگ لە پڵاتفۆڕمی ئێکس لەژێر ناونیشانی دەستپێکێکی نوێ، ئینترۆی فەرمی وەشانی نوێی چامپیۆنزلیگی بڵاوکردەوە.
A new beginning. #UCL pic.twitter.com/15HV7ms5Lj
— UEFA Champions League (@ChampionsLeague) September 16, 2024
گۆڕانکاری لە ئاواز و شێوازی گوتنەوەی گۆرانییەکە کراوە، بەڵام گۆڕانکارییەکان زۆر گەورە نین و پارێزگاری لە ئاوازە رەسەنەکە کراوە.
ئاوازی چامپیۆنزلیگ لە جیهانی تۆپی پێ یەکێکە لە بەناوبانگترین و دڵخوازترین ئاوازەکانی شەیدایانی وەرزشەکە، بینەران هەر بە بیستنی ئاوازەکە راستەوخۆ دەزانن ئەوە ئاوازی چامپیۆنزلیگە و بە ئاسانی جییای دەکەنەوە.
سبەی سێشەممە، وەرزی نوێی چامپیۆنزلیگ بۆ یەکەمجار بە شێوازێکی نوێ و بە بەشداری 36 یانە دەستپێدەکات.
