یاریگا –
سێرجیۆ رامۆسی ئیسپانی خۆی پێشکەش بە چوار یانەی بەرازیلی دەکات.
بەرگریکارە ئیسپانییەکە لەم هاوینە گرێبەستەکەی لەگەڵ سێڤییای ئیسپانی کۆتایی هات. ئێستا یاریزانێکی ئازادە و بەدوای یانەیەکی نوێدا دەگەڕێت تاوەکو پەیوەندی پێوە بکات.
رۆژنامەی UOL بڵاویکردووەتەوە، کاپتنەکەی پێشووی هەڵبژاردەی ئیسپانیا خۆی پێشکەش بە هەریەکە لە یانەکانی فلامینگۆ، فاسکۆ دی گاما، کۆرێنتیانز و بۆتافۆگۆ کردووە و دەیەوێت پەیوەندی بە خولی بەڕازیلی بکات.
بەڵام بەگوێرەی میدیا بەڕازیلییەکە، بەهۆی داواکارییە زۆرەکانی رامۆس و بەرزی مووچەکەی هێشتا لەگەڵ هیچ یانەیەکی خولەکە نەگەیشتووەتە رێککەوتن.
هەر بەپێی هەمان سەرچاوە، کۆرێنتیانز تا رادەیەک لە کێبڕکێکە چووەتە دەرەوە، چونکە یانەکە گرێبەستی لەگەڵ مێمفێس دێپای هۆڵەندی واژۆ کردووە و ناتوانێت مووچەی رامۆسیش دابین بکات.
جیا لە یانە بەڕازیلییەکان، رامۆس خۆی پێشکەش بە یانەکانی سعوودیە و قەتەریش کردووە، بەڵام تا ئێستا بێ یانە ماوەتەوە و لەگەڵ هیچ یانەیەک نەگەیشتووەتە رێککەوتن.
⚽ Según el medio brasileño UOL Sport, su representante, René Ramos, ya habría ofrecido al jugador hasta a cuatro equipos en Brasil. https://t.co/ctX7M8A5lj
— AS Fútbol (@AS_Futbol) September 12, 2024
