یاریگا –
یارییە نێودەوڵەتییەکان خەمێکی دیکەیان بۆ میکێل ئارتێتا زیادکرد و ئەمشەو یاریزانێکی کاریگەری پێکرا.
هەلبژاردەی نەرویج لە دووەم یاری خۆیاندا بەرامبەر نەمسا ئەگەرچی بردیانەوە، بەڵام مارتن ئۆدیگاری کاپتیان تووشی پێکان هات و بە ناجاری گۆڕانکاری پێکرا.
دیمەنی چوونەدەرەوەی ناوەڕاستکارەکەی ئارسیناڵ ئاماژەی نیگەرانکەری بۆ گەنەرز پێیە بەوەی کە ئەو یاریزانە بە چاوی گریانەوە یاوەریکرا تا گەیەندرایە دەرەوە.
Worrying scenes at Ullevaal Stadium. Seems that our captain Martin Ødegaard twisted his ankle. Just had to leave the pitch unfortunately … pic.twitter.com/JEPoT0KUi8
— Jan Aage Fjørtoft 🇳🇴 (@JanAageFjortoft) September 9, 2024
ئەم هەواڵە هەژێنەرە لە کاتێکدایە هەر لە میانی یارییەکانی نەیشنزلیگ و لە یەکەم گەڕدا بوو کە ریکاردیۆ کالافیۆری بەهۆی پێکانەوە کەمپی هەڵبژاردەی ئیتاڵیای جێهێشت دوای ئەوەی بەرامبەر فەڕەنسا بە ناچاری گۆڕانکاریی بەویش کرا.
تۆپچییەکانی لەندەن دوای یارییە نێودەوڵەتییەکان سێ رووبەڕوو بوونەوەی قورسیان هەیە. لە 15 مانگ بەرامبەر تۆتنهام لە پرێمەرلیگ و لە 19ی مانگ بەرامبەر ئاتاڵانتا لە چامپیۆنزلیگ. سێ رۆژ دواتریش بەرامبەر مان سیتی لە پرێمەرلیگ یارییان هەیە.
