یاریگا –
ریال مەدرید بەهۆی پێکانەوە دوو مانگ لە تواناکانی دانی سێبایۆس ناوەڕاستکاری یانەکە بێبەش دەبێت.
ماریۆ کۆرتیگانا رۆژنامەنووسی بەنێوبانگی تۆڕی وەرزشی ئاتلەتیک ئاشکرایکردووە، دانی سێبایۆس لە یاریی بەرامبەر ریال بێتیس لە پاژنەپێی راستی تووشی هەوکردن بووە و بەمهۆیەوە بۆ ماوەی 6 بۆ 8 هەفتە لە یاریگاکان دادەبڕێت.
Ceballos medical report. #RealMadrid
— Real Madrid C.F. 🇬🇧🇺🇸 (@realmadriden) September 2, 2024
یانەی ریال مەدرید بە بەیاننامەیەکی فەرمی دۆخی تەندروستی سێبایۆسی روونکردووەتەوە و رایگەیاندووە، ناوەڕاستکارە ئیسپانییەکە لە پاژنەپێی راستی لە بەستەرەکانی تووشی پێکان بووە.
ئارانچا رۆدریگێز رۆژنامەنووسی ئیسپانی رایگەیاندووە، سێبایۆس مانگێک نیو لە یاریگاکان دادەبڕێت، کە لە یارییەکەی بەرامبەر بێتیس لە پێکهاتەی سەرەکی ریال مەدریددا بوو.
سێبایۆس لەم وەرزەی لالیگا لە سێ یاریی ریال مەدرید 71 خولەک یاریی کردووە و دوای یارییەکەی دوێنێ شەو بەبۆنەی ئەنجامدانی 150 یاری بە درێسی مێرەنگی، لەلایەن فلۆرێنتینۆ پێرێز سەرۆکی یانەکەیەوە رێزی لێنرا.
