وردەکاری ناوەڕۆکی پەیوەندیکردنی سانچۆ بە چێڵسی
یاریگا –
وەک چاوەڕواندەکرا، مانچێستەر یونایتد جەیدن سانچۆی رەوانەی دەرەوە کرد ئەم جارەش بەشێوەی خواستن.
یاریزانە ئینگلیزیەکە زستانی رابردوو هەر بەخواستن نێردرایە ریزەکانی دۆرتمۆند دوای تەقینەوەی کێشەکانی لەگەڵ ئێریک تێن هاخ، ئەگەرچی دوای کۆتاییهاتنی وەرزەکە گەڕایەوە مەشق و ئامادەکارییەکان بۆ ئەم وەرزە، بەڵام دواجار لە کۆتا خولەکەکانی بازاڕی گواستنەوەی هاوینەدا چێڵسی گواستیەوە ستامفۆردبریج.
بەگوێرەی زانیارییەکانی فابریزۆ رۆمانۆ، مەرجێکی خواستنەوەکە بریتیە لە کڕینەوەی هەمیشەیی.
🚨🔵 OFFICIAL: Jadon Sancho joins Chelsea on loan with obligation to buy from Manchester United.
Club finally confirms Sancho to join as total package will be worth £20m fixed fee plus £5m add-ons.
It’s over between Sancho and Man United. pic.twitter.com/j1i61qqbuU
— Fabrizio Romano (@FabrizioRomano) August 31, 2024
رۆمانۆ بەشێکیتری ناوەڕۆکی گواستنەوەکەی ئاشکراکردووە کە لایەنی ماددیە و باس لەوە دەکات 20 ملیۆن پاوەندی جێگیرە لەگەڵ 5ی دیکەی گۆڕانکارییەکان.
مان یو لە گواستنەوەی جەیدن تا ئێستا چ لە ڕووی نازناو یاخود دەستکەوتی ماددی تا ئێسا کەڵکێکی ئەوتۆی وەرنەگرتووە و بگرە زۆر کەمتر لەو نرخە مەرجی کڕینەوەشی خراوەتە سەر کە لە هاوینی 2021 بە بڕی 85 ملیۆن یۆرۆ لە بۆڕووسیا دۆرتموندی ئەڵمانییەوە گواسترایەوە بۆ ئۆڵدترافۆرد.
