فەردی کادیۆگلۆ گواسترایەوە بۆ پرێمەرلیگ
یاریگا –
بە فەرمی فەردی کادیۆگلۆ گواسترایەوە بۆ پرێمەرلیگ و یانە نوێیەکەی گواستنەوەکەی راگەیاند.
ماوەیەک بوو یانەی برایتنی ئینگلیزی راوی ئەستێرە تورکیەکەی دەکرد بەتایبەت لەدوای یارییەکانی یۆرۆی 2024.
ئەمشەو لە بڵاوکراوەیەکی فەرمیدا گواستنەوەی ناوبراویان ئاشکراکرد بەبێ باسکردنی وردەکارییەکان.
We are pleased to confirm the signing of Turkish international full-back Ferdi Kadioglu from Fenerbahce, for undisclosed terms! 🤝
— Brighton & Hove Albion (@OfficialBHAFC) August 27, 2024
ئەگەرچی یانەکە ناوەرۆکەکەی ئاشکرا نەکردووە، بەڵام هەر ناوەڕاستی ئەم مانگە بوو سەرچاوەکانی هەواڵ لە تورکیاوە باسیان لەوە دەکرد گرێبەستێکی مێژوویی چاوەڕێی ئەستێرە 24 ساڵانەکە دەکات بە جۆرێک خۆی دەدا لە 30 ملیۆن یۆرۆ لەگەڵ 10 ملیۆنی دیکەی مافی فرۆشتنەوە.
یانەیەکی پرێمەرلیگ بە تێچوویەکی مێژوویی فەردی کادیۆگلۆی دەوێ
ناوبراو وەرزی رابردوو لەگەڵ یانەکەی کە پلەی دووەمی خولی وڵاتەکەیان بوون، لە 37 یاریدا توانی گۆڵێک بکات لەگەڵ 4 ئەسیست.
