ئاتلێتیکۆ مەدرید بەفەرمی گواستنەوەی یاریزانێکی بارسێلۆنای بۆ ریزەکانی راگەیاند

یاریگا –

ئاتلێتیکۆ مەدرید بەفەرمی گواستنەوەی لێنگلێت بەرگریکاری بارسێلۆنای بە خواستن بۆ ریزەکانی راگەیاند.

یانەی ئاتلێتیکۆ مەدریدی ئیسپانی رایگەیاندووە، کلیمێنت لێنگلێت بەرگریکاری بارسێلۆنا بە خواستن بۆ ماوەی وەرزێک تاوەکو هاوینی 2025 پەیوەندی بە یانەکەیانەوە دەکات.

¡Bienvenido, Clément! pic.twitter.com/pS3eG8utBZ

— Atlético de Madrid (@Atleti) August 26, 2024

بەرگریکارە فەڕەنسییەکە بەگوێرەی گرێبەستەکەی هیچ بەندێکی تیادا نییە ئاتلێتیکۆ مەدرید بتوانێت بیکڕێتەوە، کە تاوەکو هاوینی 2027 گرێبەستی لەگەڵ بارسێلۆنا ماوە.

لێنگلێت هاوینی 2018 لە سێڤییاوە روویکردە ریزەکانی بارسێلۆنا و ئەو بەرگریکارە فەڕەنسییە دوو جار بە خواستن روویکردووەتەوە ریزەکانی تۆتێنهام هۆتسپێرس و ئاستۆن ڤیلای ئینگلیزی.

لێنگلێت (29 ساڵان) بە درێسی بارسێلۆنا 160 یاریی کردووە، 7 گۆڵ و 3 ئەسیستی کردووە و لە ریزی یانەی نانسی فەڕەنسی دەستی بە یاریی کردووە.