ڤیتۆر رۆکی ئەمشەو پەیوەندی بە یانە نوێیەکەیەوە دەکات
یاریگا –
ئەمشەو دوا وادە دەبێ بۆ ڤیتۆر رۆکی لەگەڵ تیمەکەی هانسی فلیکدا و ئەو یاریزانە لە بلاوگرانا دەڕوات.
بە هاتنی بۆ ریزەکانی بارسا لە هاوینی 2023، چاوەڕوانییەکی زۆر هەبوو لاوە بەڕازیلیەکە لەگەڵ کەتەلۆنییەکان ئاستێک پێشکەش بکات شایەن بە بڕی گواستنەوە و ئەو ماوەی ئەو گرێبەستەی لەگەڵیدا واژۆ کرا کە بڕی هەڵوەشاندنەوەکەی 500 ملیۆن یۆرۆ و تا 2030/31 بوو. بەڵام هەرزوو پشتگوێخرا و شوێنی بوو بە سەر کورسی یەدەک.
بەگوێرەی زانیارییەکانی فابریزۆ رۆمانۆ، ریاڵ بێتیس لەگەڵ بارسا و رۆکی رێککەوتووە بیگوازێتەوە ریزەکانی بەڵام بە خواستنە و وردەکارییەکەشی بەم زووانە رادەگەیەنرێت.
🚨🟢⚪️ Vitor Roque to Real Betis, here we go! Brazilian striker will land in Sevilla tonight, plan decided.
Loan move from Barcelona with details to be clarified soon, as it will include specific clauses.
Vitor arrives tonight and deal will be sealed in the next 24h. pic.twitter.com/PEZM8bzLob
— Fabrizio Romano (@FabrizioRomano) August 24, 2024
رۆمانۆ بەبێ ئەوەی ئاشکراشی بکات، باس لەوە دەکات وردەکارییەکان بەند و مەرجی تایبەتی تێدایە.
هەر بەپێی ئەو رۆژنامەنووسە، ڤیتۆری 19 ساڵان ئەمشەو گەشتی سێڤییا دەکات و لە ماوەی 24 کاتژمێردا گواستنەوەکەی واژۆ دەکرێت.
رۆکی بە جۆرێک لەلایەن چاڤی هێرناندێزی راهێنەری پێشووەوە پشتگوێخرابوو، وەرزی رابردوو تەنها 14 یاریی لە خولی ئیسپانی بەشداریپێکرا. توانی دوو گۆڵ بکات.
