سعودیەکان یەکەم ئۆفەر بۆ گواستنەوەی کانسێلۆ پێشکەش دەکەن
یاریگا –
گفتوگۆی سعودیەکان لەگەڵ مانچێستەر سیتی بۆ گواستنەوەی جواو کانسێلۆ پێشدەکەوێت.
رۆژنامەنووسی ئیتالی فابریزیۆ رۆمانۆ بڵاویکردووەتەوە، یانەی هیلالی سعودی یەکەم ئۆفەری بۆ گواستنەوەی جواو کانسێلۆی پۆرتوگالی پێشکەش بە یانەی مانچێستەر سیتی کردووە.
بەگوێرەی زانیارییەکانی رۆمانۆ، بەرگریکارە پۆرتوگالییەکە بژاردەی یەکەمی خۆرخێ خێسوسی پۆرتوگالی و راهێنەری یانە سعودییەکەیە. هەموو هەوڵەکانی لەپێناو رازیکردنی هاونیشتیمانییەکەی خستووەتە گەڕ.
🚨🔵 Al Hilal have submitted formal bid to sign João Cancelo as negotiations are underway with Man City and player’s camp.
He’s the first choice for Portuguese manager Jorge Jesus.
In case of Cancelo’s arrival, Al Hilal RB Saud Abdulhamid could join AS Roma as talks took place. pic.twitter.com/pMyjo1cl7X
— Fabrizio Romano (@FabrizioRomano) August 22, 2024
فابریزیۆ ئاماژەی بەوەش کردووە، ئەگەر جواو پەیوەندی بە هیلال بکات ئەوا سعود عەبدولحەمیدی بەرگریکاری یانەی هیلال پەیوەندی بە یانەی رۆمای ئیتاڵی دەکات.
بەرگریکارە 30 ساڵانییەکە وەرزی رابردوو بەشێوەی خواستن یاریی بۆ بارسێلۆنا کرد، لە سەرجەم پاڵەوانێتییەکان بەشداری 42 یاریی کرد، 4 گۆڵی کرد و 5 گۆڵی دروستکرد.
سەرەڕای پێشکەشکردنی ئاستێکی بەرز، یانە کاتالۆنییەکە بەهۆی بەرزی مووچەی یاریزانەکە نەیتوانی گرێبەستەکەی بکات بە هەمیشەیی و جواو گەڕایەوە مانچێستەر سیتی.
