كیێزا ئامادەیە پەیوەندی بە بارسێلۆناوە بكات

یاریگا –

فێدێریكۆ كیێزا، ئەستێرەی هەڵبژاردەی ئیتاڵیا و یانەی یوڤێنتوسی ئیتاڵی رەزامەندی دەربڕیوە پەیوەندی بە بارسێلۆناوە بكات.

كیێزا لە هاوینی ساڵی 2022 لە ریزەكانی فیۆرێنتیناوە بە بەهای 44 ملیۆن یۆرۆ پەیوەندی بە یوڤێنتوسەوە كرد.

گرێبەستەكەی كیێزا لەگەڵ یوڤێنتوس لە هاوینی ساڵی 2025 بەسەردەچێت.

Chiesa da el OK para fichar por el Barça ✅

👍El jugador estaría de acuerdo en las condiciones económicas a la espera del acuerdo entre clubshttps://t.co/cJ4kIriXxY

— Diario SPORT (@sport) August 21, 2024

بە گوێرەی زانیارییەكانی رۆژنامەی سپۆرت، فێدێریكۆ كیێزا رەزامەندی دەربڕیوە پەیوەندی بە ریزەكانی بارسێلۆناوە بكات.

ئاماژە بەوەشكراوە، یاریزانە ئیتاڵییەكە بە مەرجە ئابووریەكان رازی بووە و تەنیا رێككەوتنی نێوان یانەكان ماوە.

سەرچاوە ئیسپانییەكە ئەوەشی ئاشكرا كردووە، كیێزای تەمەن 26 ساڵان ئامادەیە موچەكەی بۆ 4.5 ملیۆن یۆرۆ لە وەرزێكدا كەم بكاتەوە بە مەرجێك بارسا ئۆفەرێكی بۆ ماوەی سێ ساڵ پێشكەش بكات.

وەرزی رابردوو كیێزا بەشداری لە 37 یاریدا كرد و توانی دە گۆڵ بكات و دوو گۆڵیش درووست بكات.