تەواو؛ ناپۆلی بە 30 ملیۆن یۆرۆ هێرشبەرێکی بەڕازیلی دەگوازێتەوە ریزەکانی
یاریگا –
ناپۆلی بە 30 ملیۆن یۆرۆ هێرشبەرێکی بەڕازیلی دەگوازێتەوە ریزەکانی و لە چەند کاتژمیری داهاتوو دەگاتە ئیتاڵیا.
فابریزیۆ رۆمانۆ رۆژنامەنووسی ئیتاڵی رایگەیاندووە، داڤید نێرێس هێرشبەری بەڕازیلی بێنفیکای پۆرتوگاڵییەوە بەرامبەر 30 ملیۆن یۆرۆ روودەکاتە ریزەکانی ناپۆلی ئیتاڵی، ئەمڕۆ ئەو هێرشبەرە 27 ساڵانە دەگاتە ئیتاڵیا و سبەی پشکنینی پزیشکی بۆ دەکرێت بۆ ئەوەی بەفەرمی واژۆ لەسەر گرێبەستەکەی بکات.
🚨🔵 David Neres to Napoli, here we go! Agreement sealed with Benfica for €30m package, add-ons included.
Plan confirmed: David travels today to Italy with medical tests booked on Monday, as revealed.
Napoli are busy with more signings while Neres is finally done. ✨🇧🇷 pic.twitter.com/I5d7l23clW
— Fabrizio Romano (@FabrizioRomano) August 18, 2024
بەگوێرەی راپۆرتە رۆژنامەوانییەکان پاداشتە داراییەکانی دەستکەوت و ئاستی هێرشبەرە بەڕازیلییەکە لە ناپۆلی بەشێک دەبێت لەو 30 ملیۆن یۆرۆیەی وەکو نرخی گرێبەستی یاریزانەکە دانراوە، کە چاوەڕێ دەکرێت لە چەند کاتژمێری داهاتوو بگاتە شاری ناپۆلی.
نێرێس کە لە بۆرسەی یاریزانان نرخەکەی 25 ملیۆن یۆرۆیە، لەگەڵ بێنفیکا لە 83 یاری 17 گۆڵ و 16 ئەسیستی کردووە، پێشتریش لە ریزەکانی ئەیاکس ئامستەردامی هۆڵەندی لە 180 یاری 47 گۆڵ و 41 ئەسیستی کردبوو.
وەرزی رابردوو هێرشبەرەکەی بێنفیکا لە سەرجەم پاڵەوانێتییەکان لە 35 یاری 5 گۆڵ و 10 ئەسیستی کرد، کە پێشتر لە ریزەکانی شاختار دۆنێتسکی ئۆکراینیش یاریی کردووە و لە ریزی یانەی ساوپاولۆی بەڕازیلی پێگەیشتووە.
