یاریگا –
یانەی بارسێلۆنای ئیسپانی داهاتووی ئانسو فاتی ئەستێرەی ئیسپانی یانەكەی یەكلاییدەكاتەوە.
ئانسو فاتی لە ساڵی 2020 لە تیمی لاوانی بارسێلۆناوە بۆ تیمی یەكەم بەرزكرایەوە و لە ساڵی رابردوو بە شێوەی خواستن پەیوەندی بە برایتنەوە كرد.
فاتی بە نایابی لەگەڵ بارسێلۆنا دەستیپێكرد و هەمووان چاوەڕێی بوون بە ئەستێرەی یەكەمی یانەكەیان لێ دەكرد، بەڵام تووشبوونی بە چەند پێكانێكی یەك لە دوای یەك وایكرد ئاستی یاریزانەكە داببەزێت و لە پلانەكانی بارسا بچێتە دەڕەوە.
🔴 𝐍𝐎𝐓𝐈𝐂𝐈𝐀 𝐒𝐏𝐎𝐑𝐓 | Decisión tomada 📂
❗️Ansu debe salir: Deco ya ha comunicado a Jorge Mendes que Ansu debe buscar equipo
✍️ @tomasandreu68 https://t.co/tydwORdhcn
— Diario SPORT (@sport) August 11, 2024
رۆژنامەی سپۆرت لە راپۆرتێكیدا ئاشكرایكردووە، بارسێلۆنا پێوویستی بە كردنەوەی جێگای زیاتر و كەمكردنەوەی موچەی یانەكەیە، پێش 20 رۆژ لە داخستنی بازاڕی گواستنەوەی یاریزانان.
لە راپۆرتەكەشدا هاتووە، فاتی لەم ساڵانەی دواییدا بە بارودۆخێكی سەختدا تێپەڕیوە، دووبارەبوونەوەی كێشە جەستەییە بەردەوامەكانی وایكردووە نەتوانێت بەهرە گەورەكەی خۆی دەربخات، هەروەها خواستنەكەی بۆ برایتن لە ئاست ئەو چاوەڕوانییەدا نەبوو، تەنیا وەك یاریزانێكی لاوەكی پشتی پێدەبەسترا.
لە راپۆرتەكەی سپۆرتیشدا هاتووە، لە دوای گەڕانەوەی بۆ بارسێلۆنا و لە ژێر راهێنەرایەتیكردنی هانسی فلیك ئانسو كاری زۆری كرد بۆ ئەوەی خۆی بسەلمێنێتەوە، بەڵام دووبارە تووشی پێكان بوویەوە.
لە كۆتاییشدا ئاماژە بەوەكراوە، دیكۆ بەڕێوەبەری وەرزشی بارسێلۆنا داوای لە خۆرخێ مێندێز بەڕێوەبەری كارەكانی فاتی كردووە، كە بە زووترین كات یانەیەك بۆ یاریزانەكە بدۆزێتەوە، لاوە تەمەن 21 ساڵانەكە هیچ جێگایەكی لە پێكهاتەی بارسادا نییە.
یاریزانە ئیسپانییەكە وەرزی رابردوو 21 یاری بە درێسی برایتنەوە كرد و توانی چوار گۆڵ بكات.
