یاریگا –
ڤێرجیڵ ڤان دایك، ئەستێرەی هەڵبژاردەی هۆڵەندا و یانەی لیڤەرپوولی ئینگلیزی باس لە ئامادەكارییەكانی یانەكەی بۆ یارییەكانی وەرزی نوێ دەكات.
لە كۆتا یاری ئامادەكارییان بۆ وەرزی نوێ لیڤەرپوول بە بێ گۆڵ لەگەڵ لاس پاڵماس یەكسان بوو.
Virgil van Dijk says there has been no progress on a contract for him and thinks Liverpool could do with a signing or two: https://t.co/vj1sBCseMM
— Richard Jolly 🇺🇦 (@RichJolly) August 11, 2024
ڤان دایك لە لێدوانێكی رۆژنامەوانیدا كە ئیندیپێندێنت بڵاوكردووەتەوە گوتی:
ئەوە دیارە كە لە ماوەی داهاتوودا دەبێت چەند گرێبەستێك واژۆ بكەین، پێموایە یانەكە لە پشتەوە كار دەكات.
متمانە و بڕوای تەواوم بە یانەكە هەیە، باشترین كار دەكەن و بەهێزترین پێكهاتە درووست دەكەن، بۆئەوەی كێبڕكێ لە بردنەوەی سەرجەم نازناوەكان بكەین.
دەربارەی نوێكردنەوەی گرێبەستەكەی لەگەڵ لیڤەرپوول، ڤان دایك گوتی:
تا ئێستا هیچ پێشكەوتنێك لە یانەكەوە بۆ نوێكردنەوەی گرێبەستەكەم نەبووە.
لە ساڵی 2017 ڤان دایك لە ریزەكانی ساوسامتنەوە بە بەهای 84 ملیۆن یۆرۆ پەیوەندی بە لیڤەرپوولەوە كرد.
گرێبەستەكەی ڤان دایك لەگەڵ رێدز لە هاوینی ساڵی 2025 بەسەردەچێت.
