سانچێز دوای 13 ساڵ دەگەڕێتەوە یانەیەک
هێرشبەرەکەی چیلی برسی بردنەوەیە
یاریگا –
ئەلێکسیس سانچێز، هێرشبەری چیلی لە پەیوەندیکردن بە یودینێزی نزیکبووەتەوە.
رۆژنامەی توتۆسپۆرت بڵاویکردووەتەوە، لەدوای جێهێشتنی ئینتەر میلان، ئێستا سانچێز بێ یانەیە و یودینێزی، ئۆفەرێکی یەکساڵەی پێشکەشکردووە، لەگەڵ بژاردەی نوێکردنەوەی بۆ ساڵێکی دیکە.
🤝#Sanchez–#Udinese, ci siamo: l’attaccante è già in città https://t.co/GqJngP3MZ8
— Tuttosport (@tuttosport) August 10, 2024
سانچێز لە ساڵانی نێوان 2008 تاوەکو 2011 یاری بۆ یودینێزی کردووە، دواتر خۆی وەک یاریزانێکی گەورە لەگەڵ بارسێلۆنا و ئارسیناڵ و ئینتەر میلان سەلماند.
ئەستێرە چیلییەکە 112 یاری بۆ یودینێزی کردووە، لەو یارییانەدا 21 گۆڵ و 20 ئەسیستی هەبوو. هەروەها لەگەڵ هەڵبژاردەی چیلیش لە کۆی 166 یاریدا، 51 گۆڵی هەیە و گۆڵکاری مێژوویی وڵاتەکەیەتی.
رۆژنامەکە روونیکردووەتەوە، یودینێزی نزیکترین یانەیە لە سانچێز و چەند رۆژێکە لە شارەکەیە.
پێشبینی دەکرێت سێشەممە سانچێز بە فەرمی ببێتە یاریزانی یودینێزی و دوای 13 ساڵ جارێکی دیکە دەبێتە سەرەڕمی یانەکە.
