فەرمی؛ ئاتلێتیکۆ مەدرید بەرگریکارێکی ئیسپانی گواستەوە
گرێبەستێکی بۆ ماوەی پێنج وەرز واژۆ کردووە
یاریگا –
رۆبن لۆ نۆرماند، بەرگریکاری نێودەوڵەتی ئیسپانی بە فەرمی بووە یاریزانی ئاتلێتیکۆ مەدرید.
ئاتلێتیکۆ مەدرید روونیکردووەتەوە، لۆ نۆرماند، گرێبەستێکی بۆ ماوەی پێنج وەرز لەگەڵ ئاتلێتی واژۆ کردووە و لەمڕۆوە پەیوەندی بە مەشقەکانی یانەکەوە دەکات.
لۆ نۆرماند لەگەڵ ریال سۆسیداد، خۆی وەک یەکێکە لە باشترین بەرگریکارانی لالیگا پیشاندا و هەربۆیەش بۆ یۆرۆی 2024 بانگهێشتی هەڵبژاردەی ئیسپانیا و بووە پاڵەوانی ئەوروپا.
¡Bienvenido al Atleti, Robin! ❤🤍 pic.twitter.com/ZLEImFk9rR
— Atlético de Madrid (@Atleti) August 3, 2024
بەرگریکارە تەمەن 27 ساڵانییەکە لە سەرجەم پاڵەوانێتیەکان 221 یاری بۆ سۆسیداد کردووە، 6 گۆڵی کردووە و 6 گۆڵی دروستکردووە، نازناوێکی جامی شای ئیسپانیاشی لەگەڵ یانەکەی بەدەستهێناوە.
بەدرێسی هەڵبژاردەی ئیسپانیا بەشداری 17 یاریی کردووە، گۆڵێکی کردووە و نازناوی جامی نەتەوەکانی ئەوروپا و نەیشنزلیگی لەگەڵ ماتادۆر بەدەستهێناوە.
لە 27ی مانگی رابردوودا، لۆ نۆرماند گەیشتبووە رێککەوتنی تەواو لەگەڵ ئاتلێتیکۆ مەدرید و ئەمڕۆ گرێبەستەکەی واژۆ کرد.
El Atlético de Madrid y la Real Sociedad han alcanzado un acuerdo para el traspaso de Robin Le Normand que se formalizará en los próximos días, cuando el jugador regrese de las vacaciones que está disfrutando tras proclamarse campeón de la Eurocopa con la selección española el…
— Atlético de Madrid (@Atleti) July 27, 2024
