چێڵسی درێسی دووەمی بۆ وەرزی 2024/2025 نمایش کرد
یاریگا –
چێڵسی وێنەی درێسی دووەمی تیپەکەی بۆ وەرزی 2024/2025 بڵاوکردەوە.
کاتێکی زۆر نەماوە بۆ دەستپێکردنی وەرزی نوێی پرێمەرلیگ، چێڵسیش بە فەرمی وێنەی درێسی دووەمی بڵاوکردەوە، کە بڕیارە یاریزانانی تیپەکە لە یارییەکانی دەرەوەی یاریگادا لەم وەرزەدا لەبەری بکەن.
وێنەکانی درێسی یەکەم کە بڕیارە یاریزانانی چێڵسی لە وەرزی داهاتوودا لەبەری بکەن، سەرنجی زۆرێک لە هاندەرانی ئەم تیپە و بەکارهێنەرانی تۆڕە کۆمەڵایەتییەکانی بۆ لای خۆی راکێشا، ئێستاش درێسی دووەمی ئەم تیپە پاشبنەمای سپی و قۆڵی بە شین و پرتەقاڵی و یەخەکەی بە شین دیزاین کراوە.
A different kind of fire.
Introducing your Chelsea 24/25 @Nikefootball away kit. Shot on location in San Jose.#WeBurnBlue pic.twitter.com/shAQkoGXYn
— Chelsea FC (@ChelseaFC) July 29, 2024
ئەم درێسە کە بە هاوکاری کۆمپانیای نایکی دیزاین کراوە، تەواوکەری درێسی یەکەمە و هێمای “ئاگر و تەماحی هاوبەشە، سۆز و ئیرادەی سووتێنەرە کە هەموو ئەندامانی ئەم یانەیە دەبێت لەناوەوە و دەرەوەی یاریگاکە سەرکەوتوو بن”.
Malo in our 24/25 away.#WeBurnBlue
— Chelsea FC (@ChelseaFC) July 29, 2024
یاریزانانی ئەنزۆ مارسکا بۆ یەکەمجار لە 25ی ئاب ئەم درێسە لە یارییەکدا کە لە یاریگای دەرەوە بەرامبەر وۆڵڤەرهامپتۆن ئەنجام دەدەن لەبەر بکەن. پێش ئەوەش لە گەشتە ئەمریکییەکەدا رووبەڕووی یانەکانی ئەمریکا و مانچێستەر سیتی و ریال مەدرید دەبنەوە.
