یاریگا –
راپۆرتە رۆژنامەوانیەكان ئاشكرایانكرد، یانەی پاریس سانجێرمانی فەڕەنسی لە گواستنەوەی جواو نێڤێس ئەستێرەی لاوی هەڵبژاردەی پۆرتوگال و یانەی بێنفیكای هەمان وڵات هەنگاوێك دوورە.
گرێبەستەكەی جواو نێڤێس لەگەڵ بێنفیكا لە هاوینی ساڵی 2028 بەسەردەچێت.
🚨🔴🔵 Paris Saint-Germain are closing in on João Neves deal! New, positive round of talks again today.
PSG want to get it sealed next week.
Details of package being discussed after €70m fee + players to include for Benfica, like Renato Sánches.
Here we go, expected soon ⏳🇵🇹 pic.twitter.com/tCu6D66c5x
— Fabrizio Romano (@FabrizioRomano) July 25, 2024
بە گوێرەی زانیارییەكانی فابریزیۆ رۆمانۆ شارەزا لە بازاڕی گواستنەوەی یاریزانان، پاریس سانجێرمان نزیكە لەوەی گرێبەست لەگەڵ جواو نێڤێس واژۆ بكات، گفتۆگۆیەكی ئەرێنی دیكە دەربارەی گواستنەوەی بەڕێوە چوو.
ئاماژەی بەوەشكردووە، پاریس دەیەوێت هەفتەی داهاتوو بە فەرمی گرێبەستی یاریزانە تەمەن 19 ساڵانەكە یەكلایی بكاتەوە.
رۆمانۆ ئەوەشی ئاشكرا كردووە، پاریس سانجێرمان ئۆفەرێكی بە بەهای 70 ملیۆن یۆرۆ لەگەڵ یاریزانێك كە پێشكەشی بێنفیكای دەكات، دیارترینیان ریناتۆ سانچێزە.
وەرزی رابردوو نێڤێس لەگەڵ بێنفیكا بەشداری لە 55 یاری كرد و توانی سێ گۆڵ بكات و دوو گۆڵیش درووست بكات.
