گارناچۆ مێسی پشتگوێ خستووە؟ قوتابییەکەی کریستیانۆ بە وێنەیەک وەڵامی داوەتەوە
یاریگا –
گارناچۆ بە وێنەیەک وەڵامی ئەو ڤیدیۆیەی داوەتەوە، گوایە لە یاریی کۆتایی کۆپا ئەمریکا مێسی پشتگوێ خستووە.
ئالیخاندرۆ گارناچۆ یاریزانی لاوی هەڵبژاردەی ئارجێنتینا و یانەی مانچێستەر یونایتد لە پلاتفۆڕمی X ریتویتی ئەو ڤیدیۆیەی کردووە کە لە سۆشیاڵ میدیا بڵاوکراوەتەوە، گوایە یاریزانە لاوەکە کە هەمیشە خۆی بە قوتابی کریستیانۆ رۆناڵدۆ دەزانێت و هێرشبەرە پۆرتوگاڵییەکە بە نموونەی باڵای خۆی دەزانێت.
🤷🏽♂️🤦🏽♂️ pic.twitter.com/mZxcAxCw3f
— Alejandro Garnacho (@agarnacho7) July 20, 2024
گارناچۆ وێنەیەکی خۆی و مێسی بڵاوکردووەتەوە کە دەستی لە ملی لیۆ کردووە و یاریزانە لاوەکە بە دوو ئیمۆجی توانجی لە ڤیدیۆیەکە داوە و تۆمەتەکانی رەتکردووەتەوە.
لەو گرتە ڤیدیۆیەی لە سۆشیاڵ میدیا بڵاوبووەتەوە، کاتێک مێسی بەهۆی پێکانەوە دەست بە گریان دەکات، گارناچۆ هیچ کاردانەوەیەکی نابێت و گرنگی بە لیۆ نادات.
