بایرن میونشن ئۆفەرێكی فەرمی پێشكەشی ئەستێرەیەكی یۆرۆی 2024 كرد
یاریگا –
راپۆرتە رۆژنامەوانیەكان ئاشكرایانكرد یانەی بایرن میونشنی ئەڵمانی ئۆفەرێكی فەرمی پێشكەشی چاڤی سیمۆنس ئەستێرەی هەڵبژاردەی هۆڵەندا و یانەی پاریس سانجێرمانی فەڕەنسی كردووە.
چاڤی سیمۆنس لە هاوینی ساڵی 2023 لە ئایندهۆڤنەوە بە بەهای چوار ملیۆن یۆرۆ پەیوەندی بە ریزەكانی پاریس سانجێرمانەوە كرد، لە هەمان ساڵدا بە خواستن رووی لە لایپزیگی ئەڵمانی كرد.
According to ‘L’Equipe’, FC Bayern is offering 90 million euros for Xavi Simons (21) to Paris Saint-Germain
❇️ Simons has a contract til 2027 at PSG
❇️ The Player informed the Club already that he don‘t want to Return to Paris— Christian Falk (@cfbayern) July 18, 2024
بە گوێرەی زانیارییەكانی كریستیان فاڵك، یانەی بایرن میونشنی ئەڵمانی ئۆفەرێكی بە بڕی 90 ملیۆن یۆرۆ پێشكەشی چاڤی سیمۆنس كردووە.
سیمۆنسی تەمەن 21 ساڵان گرێبەستەكەی لەگەڵ پاریس سانجێرمان لە هاوینی ساڵی 2027 بەسەردەچێت.
رۆژنامەنووسەكەی بێڵد ئەوەشی ئاشكرا كردووە، سیمۆنس بە ئیدارەی یانەكەی راگەیاندووە كە نایەوێت بگەڕێتەوە پاریس.
لاوە هۆڵەندییەكە وەرزی رابردوو لەگەڵ لایپزیگ بەشداری لە 43 یاری كرد و توانی 10 گۆڵ بكات و 15 گۆڵیش درووست بكات.
