ریال مەدرید ئەستێرەیەكی لیڤەرپوولی دەوێت

یاریگا –

راپۆرتە رۆژنامەوانیەكان ئاشكرایانكرد، یانەی ریال مەدریدی ئیسپانی لە گواستنەوەی ترێنت ئالێكساندەر ئارنۆڵدی ئینگلیزی و ئەستێرەی یانەی لیڤەرپوولی هەمان وڵات نزیك بووەتەوە.

گرێبەستەكەی ئارنۆڵدی تەمەن 25 ساڵان لەگەل رێدز لە هاوینی ساڵی 2025 بەسەردەچێت.

تا ئێستا لیڤەرپوول هیچ ئۆفەرێكی بۆ نوێكردنەوەی گرێبەستەكەی پێشكەشی ئارنۆڵد نەكردووە و تەنیا ساڵێكیش لە گرێبەستەكەی ماوە.

Real Madrid is getting concret with Trent Alexander-Arnold (25)
❇️ Arnold has contract til 2025, no contract extension at Liverpool yet
❇️ The Player is interested, there is contact since month

— Christian Falk (@cfbayern) July 16, 2024

بە گوێرەی زانیارییەكانی كریستیان فاڵك، ریال مەدرید لە هاوینی ساڵی 2025 گرێبەست لەگەڵ ئالێكساندەر ئارنۆڵد واژۆ دەكات.

ئاماژەی بەوەشكردووە، ئارنۆڵد لەگەل یانەكەی تا ساڵی 2025 گرێبەستی هەیە و تا ئێستا گرێبەستەكەی نوێ نەكردووەتەوە.

لە كۆتایشدا ئاشكرایكردووە، ئارنۆڵد ئارەزووی گواستنەوەی بۆ ریال مەدرید دەكات و ماوەی مانگێكە لە نێوان هەردوولادا پەیوەندی هەیە.

وەرزی رابردوو ئارنۆڵد لەگەل رێدز بەشداری لە 37 یاری كرد و توانی سێ گۆڵ بكات و نۆ گۆڵیش درووست بكات.