براوەی سەرجەم خەڵاتەكانی كۆپا ئەمێریكای 2024
یاریگا –
هەڵبژاردەی ئەرجەنتین بۆ جاری دووەم لەسەر یەك و بۆ جاری شازدەیەم لە مێژوویدا بوو بە پاڵەوانی كۆپا ئەمێریكا.
بەرەبەیانی ئەمڕۆ هەردوو هەڵبژاردەی كۆڵۆمبیا و ئەرجەنتین لە یاری كۆتایی كۆپا ئەمێریكای 2024 رووبەڕووی یەك بوونەوە، یارییەكەش بە بردنەوەی تانگۆ بە گۆڵێكی بێ وەڵام كۆتایی هات.
تاكە گۆڵەكەی ئەرجەنتین لەلایەن لاوتارۆ مارتینێز لە خولەكی 112 تۆمار كرا.
LA DECIMOSEXTA. pic.twitter.com/5ChlcjxpJw
— CONMEBOL Copa América™️ (@CopaAmerica) July 15, 2024
لە دوایی كۆتایی هاتنی یارییەكە سەرجەم خەڵاتەكە تاكە كەسییەكانی پاڵەوانییەتیەكە دابەشكرا.
باشترین یاریزان
جەیمس رۆدریگێز، ئەستێرەی هەڵبژاردەی كۆڵۆمبیا و یانەی ساو پاولۆ بە باشترین یاریزانی پاڵەوانیەتیەكە دەستنیشانكرا.
گۆڵكار
لاوتارۆ مارتینێز، هێرشبەری هەڵبژاردەی ئەرجەنتین و یانەی ئینتەر میلان بە تۆماركردنی پێنج گۆڵ بووە گۆڵكاری پاڵەوانیەتیەكە.
باشترین گۆڵپارێز
ئێمیلیانۆ مارتینێز، گۆڵپارێزی هەڵبژاردەی ئەرجەنتین و یانەی ئاستۆن ڤیلا بە باشترین گۆڵپارێزی پاڵەوانیەتیەكە دەستنیشانكرا.
